Enter your Email Address to subscribe to our newsletters
रायपुरम्, 6 दिसंबरमासः (हि.स.)। रायपुरे छत्तीसगढ़-व्यावसायिक-परीक्षा-मण्डलेन जल-संसाधन-विभागस्य अन्तर्गतं अमीन-नियुक्तिः-परीक्षा सप्तमे दिसम्बरे रविवासरे प्रातः 12.00 वादनात् मध्याह्न 2.15 वादनपर्यन्तं 106 परीक्षा-केन्द्रेषु आोजिताः भविष्यति, यस्मिन् 37,889 अभ्यर्थिनः सहभागी भविष्यन्ति। जिलाधिपस्य डॉ. गौरवसिंहस्य निर्देशानुसारं उपजिलाधिकारि उपेन्द्र-किण्डो इत्यनेन सर्वेषु केन्द्रेषु व्यवस्थाः सुनिश्चितुं, भित्ति-घटी, पेय-जल-व्यवस्था, वाहन-निगमन-स्थल (पार्किङ्), आकस्मिक-दीपिका (इमरजेंसी लाइट्) स्थापयितुं च निर्देशाः प्रदत्ताः, यत् अभ्यर्थिभ्यः काचित् अपि क्लेश-स्थितिः न भवेत्। सहायक-नोडल-अधिकारी तथा जिला-रोजगार-अधिकारी केदार-पटेल इत्यनेन सर्वे केन्द्राध्यक्षाः, परिवहन-अधिकारीणः, उड़न्-दल-अधिकारीणश्च विस्तीर्णं प्रशिक्षणं दत्तम्।
अभ्यर्थिनां कृते आवश्यकाः दिशा-निर्देशाः :
अभ्यर्थिभिः हलुकवर्णीयानि अर्ध-बाहुक-वस्त्राणि धारयित्वा परीक्षा-दाने गन्तव्यम्। कृष्णवर्णः, गाढ-नीलः, गाढ-हरितः, जामुनि-वर्णः, मैरूनवर्णः, नील-वर्णः, गाढ-चॉकलेटी-वर्णः इत्येतेषां वस्त्र-वर्णानां प्रयोगः निषिद्धः। परीक्षार्थिनः निर्ग्रन्थि-श्वेदकं (पॉकेट्-विहीनं साधारणं स्वेटरम्) धारयितुं शक्नुवन्ति; स्वेटरस्य वर्ण-नियमः नास्ति, बाहु-नियमः अपि नास्ति, परन्तु सुरक्षा-परीक्षायां श्वेदकं अपसार्य परीक्षनीयम्।
अभ्यर्थिनः परीक्षायाः आरम्भात् न्यूनातिन्यूनं द्वौ घण्टौ पूर्वं परीक्षा-केन्द्रं प्राप्नुवन्तु, यत् तेषां फ्रिस्किङ् (शरीर-परीक्षा) तथा सत्यापनं सम्यक् भवेत्।
परीक्षायाः आरम्भात् पूर्वं 30 निमेषेषु परीक्षा-केन्द्रस्य मुख्य-द्वारं पिधायिष्यते। यतः परीक्षा मध्यान्ह 12.00 वादनात् प्रारभ्यते, अतः मुख्य-द्वारं पूर्वाह्ण 11.30 वादन एव पिधायिष्यते।
धार्मिक-सांस्कृतिक-वस्त्राणि धारयन्तः अभ्यर्थिनः सामान्य-समयात् पूर्वमेव केन्द्रे उपस्थितव्याः, ते अधि-सुरक्षा-परीक्षां कृत्वैव परीक्षा-कक्षं प्रवेष्टुं शक्नुवन्ति।
परीक्षायां केवलम् उपानहौ एव धारयनीयौ। कर्णयोः किमपि आभरणं वर्जनीयम्। सञ्चार-यन्त्राणि, इलेक्ट्रॉनिक्-उपकरणानि, डिजिटल्-घटी, धनस्यूतः, पुटम्, स्कार्फ्, बेल्ट्, टोपी इत्यादीनि परीक्षा-कक्षं प्रति न नीयन्ताम् — अयम् आदेशः पूर्णतः अनिवार्यः। अनुचित-साधन-प्रयोगे दृढा अनुशासनात्मक-कार्रवाही करिष्यते।
---------------
हिन्दुस्थान समाचार / Dheeraj Maithani