Enter your Email Address to subscribe to our newsletters
हरिद्वारम्, 6 दिसंबरमासः (हि.स.)। भारतीय-सम्विधानस्य निर्माता भारतरत्न-डॉक्टर-भीमराव-अम्बेडकरस्य परिनिर्वाण-दिने भारतीय-जनता-पक्षस्य जिलाकार्यालये श्रद्धाञ्जलि-कार्यक्रमः आयोजितः। कार्यकर्तृभिः बाबा-साहबस्य चित्रे पुष्पाणि अर्प्य तं नमनम् अकारि। अस्मिन् अवसरे भाजपा-जिला-उपाध्यक्षः लव्-शर्मा अवदत् यत् बाबा-साहबः सर्वदा राष्ट्रस्य आदर्शः प्रेरणास्रोतश्च आसीत्। सः अवदत् यत् प्रधानमन्त्रिणः नरेन्द्र-मोदिनः नेतृत्वे केन्द्रीय-सर्वकारः बाबा-साहबस्य स्वप्नान् साकारयितुम् निरन्तरं कार्यं करोति। सः एतदपि उक्तवान् यत् बाबा-साहबं भारतरत्नेन सम्मानितुं यत् गौरवं तदपि भाजपा-सर्वकारस्यैव प्राप्तम्।
लव्-शर्मेण उक्तम्— प्रधानमन्त्री-मोदिनाऽम्बेडकरसम्बद्धानि पञ्च प्रमुख-स्थलानि—लण्डन-निवासः, नागपुरस्य दीक्षाभूमिः, मुम्बइ-चैत्यभूमिः, दिल्ली-परिनिर्वाण-स्थलम्, दिल्ली-अनुसन्धान-केन्द्रं च—‘पञ्चतीर्थ’ इति रूपेण विकासितानि सन्ति। एतेन एव सः बाबा-साहेबाय सत्यां श्रद्धाञ्जलिं दत्तवान् इति।
जिला-महामन्त्री हीरासिंह-बिष्टः अवदत् यत् नरेन्द्र-मोदि-सर्वकारस्य कालखण्डे वञ्चितेषु दरिद्रेषु च सम्मानः अवसरश्च प्राप्तौ। सः उक्तवान्— पूर्वसर्वकारैः दलितोत्थानाय न ठोस-कार्यं कृतम्, किन्तु वर्तमान-सर्वकारेण उज्ज्वला-योजना, जनधन-योजना, आयुष्मान-भारतम्, किसान-सम्मान-निधिः, स्टैण्ड्-अप्-इण्डिया इत्यादिभिः योजनाभिः समाजस्य अन्त्यपुरुषपर्यन्तं विकासः नीतः।
सः अवदत्— भाजपायाः मूल-मन्त्रः “सबका साथ, सबका विकास, सबका विश्वास, सबका प्रयास” इति, एतत् एव बाबा-साहबस्य मूल-भावनां अधिकं सुदृढां करोति।
कार्यक्रमे जिला-महामन्त्री (अ.जा. मोर्चा) प्रिन्स्-लोहट्, राजवीर-कलानिया, नकलीराम्-सैनी, विपिनशर्मा, प्रशान्तशर्मा, धर्मेन्द्रचौहान, मनोज-पालिया, प्रीतिगुप्ता, लक्ष्मणसिंहनागर, सूबेसिंह, दर्शनासिंह, अरविन्दकुशवाह, पंकजबागडी, धीरसिंह, ऋषभसैनी, अनुजत्यागी, मोहितनेगी, सुनीलपालः, अशोककुमार इत्येतेषां सहिताः अनेकाः कार्यकर्तारः उपस्थिताः आसन्।
हिन्दुस्थान समाचार / Dheeraj Maithani