Enter your Email Address to subscribe to our newsletters
मीरजापुरम्, 7 दिसंबरमासः (हि.स.)।
माङ् विंध्यवासिनी-विश्वविद्यालयस्य कुलपतिः प्रो. शोभा गौण्डा महोदया रविवासरे के.बी.पी.जी. महाविद्यालयस्य सामुदायिक-भवने आयोजिते सम्मेलने विश्वविद्यालयस्य द्वितीय-स्थापनादिवससमये सम्पादनीयस्य युवा-महोत्सवस्य ‘सप्तरङ्ग 2025’ इति रूपरेखां प्रस्तुतवन्ती। तैः विश्वविद्यालयनिर्माणकार्यं, प्रगतिः, उपलब्धयः च विस्तरेण विवृण्वन्त्या चर्चितम्।
कुलपतिः अवदत् यत् अयं भव्यः युवा-महोत्सवः डिसेम्बर-मासस्य अष्टमे दिने लोहिया-तालस्य समीपे स्थिते डेफोडील्स-पब्लिक्-स्कूलस्य प्रेक्षागृहे आयोजितः भविष्यति। विंध्याचल-मण्डलस्य त्रिषु जनपदेषु स्थितेषु सम्बद्ध-महाविद्यालयेषु अध्ययनशीलाः छात्र–छात्रिकाः अस्मिन् महोत्सवे सहभागी भविष्यन्ति। लोक-नृत्यम्, लोक-गीतम्, निबन्ध-लेखनम्, प्रश्नोत्तरी, पोस्टर्-रचना, रंगोली, मेहन्दी-कलाः च इत्यादयः नानाविधाः सांस्कृतिक-शैक्षणिक-प्रतियोगिताः आयोज्यन्ते।
अस्मिन् कार्यक्रमे विंध्याचल-मण्डलस्य आयुक्तः राजेश-प्रकाशः मुख्य-अतिथिः भविष्यति। जिलान्यायाधीशः अरविन्दकुमारमिश्रः, जिलाधिकारी पवनगंगवारः, वरिष्ठ-पुलिस-अधिक्षकः सोमनवर्मा, ऊर्मिला-श्रीवास्तव-महोदया च विशिष्टातिथयः रूपेण उपस्थिताः भविष्यन्ति।
कार्यक्रमस्य संयोजन-कर्तारौ कुलसचिवः रामनारायणः, सह-संयोजिका प्रो. नम्रता-मिश्रा, डॉ. कुलदीप-पाण्डेयश्च भविष्यन्ति। सम्मेलनस्य अवसरि के.बी.पी.जी. महाविद्यालयस्य तथा विविधानां महाविद्यालयानां प्राचार्याः शिक्षकाः च उपस्थिताः आसन्।
---------------
हिन्दुस्थान समाचार