Enter your Email Address to subscribe to our newsletters
जगदलपुरम्, 7 दिसंबरमासः (हि.स.)। बस्तरजनपदे साक्षरतानां जनान्दोलनरूपेण विकासं कर्तुं यत् उल्लास-महापरीक्षणम् आयोजितं तत् अस्य वर्षस्य अभूतपूर्वं जातम्। कलेक्टर् हरीश् एस् तथा जिलापंचायस्य मुख्यकार्यपालनाधिकारी प्रतीकजैन इत्येतयोः मार्गदर्शने सम्पन्नेऽस्मिन् महापरीक्षणे प्रायः षट्-त्रिंशत्-सहस्रं परीक्षार्थिनः उत्साहेण सहभागिनोऽभवन्।
एतस्य परीक्षायाः सुशासनार्थं सर्वत्र ७७१ परीक्षा-केंद्राणि संस्थापितानि, येषु कतिपयानि केंद्राणि आदर्श-परीक्षाकेंद्रत्वेन विकासितानि। नवभारत-साक्षरताकार्यक्रमस्य अन्तर्गतं स्वयंसेविभिः द्विशतमध्ययन-घण्टापर्यन्तं अध्ययनं कृतवन्तः असाक्षराः महापरीक्षायाम् अंशं गृहीतवन्तः; येषां तु अध्ययनं २००-घण्टात् न्यूनम् आसीत् ते ‘स्वागत-परीक्षायाम्’ सम्मिलिताः अभवन्।
जगदलपुरस्य चिलकुटि, बस्तरस्य मांदलापाल-राजपुर, तोकापालस्य छापरभानपुरी, दरभायाः डिलमिली इति केंद्राणि आदर्श-केंद्रत्वेन घोषितानि। अस्य महापरीक्षायाः विशेषता आसीत् यत् जगदलपुर-कैदाखाने ४० पुरुषबन्दिनः ३० च स्त्रीबन्दिन्यः उल्लास-परीक्षां दत्वा साक्षरतातः प्रगत्यै प्रथमं चरणं कृतवन्तः। अत्यन्तं प्रेरणादायिन्याः तु ४० आत्मसमर्पित-पूर्वनक्सलीनां पुनर्वासकेंद्रे आडावाल्-स्थितानां सहभागिता आसीत्, ये नूतनजीवनमार्गे शिक्षा एव पथप्रदर्शकत्वेन स्वीकृतवन्तः।
महापरीक्षां जनभागीदारीरूपेण सिध्दयर्थं पूर्वं कलेक्टर् हरीश् एस्, सीईओ प्रतीकजैन, संयुक्तसंचालकः एच.आर. सोमः, जिलाशिक्षाधिकारी बलीरामबघेलः जनप्रतिनिधयः च परीक्षार्थिभ्यः शुभकामना: दत्त्वा सहभागित्वम् अपीलितवन्तः।
महापरीक्षायां बहूनि प्रेरकदृष्टान्तानि अपि दृष्टानि। लोहण्डीगुडायाः धरमाऊर्-ग्रामे पतिपत्न्यौ हाडीरामकश्यप–हेमवतीकश्यपौ, कुरन्द्यां दिव्याङ्गा श्रीमती मङ्गली, बस्तरस्य मांदलापाल-प्रदेशे सासु–स्नुषा, तथा लोहण्डीगुडायाः टाकरागुडायां देवरानी–ज्येष्ठानी—एते सर्वे एकत्र मिलित्वा महापरीक्षां दत्वा साक्षरतानां महत्त्वस्य संदेशं लोकाय प्रेषितवन्तः।
जगदलपुरस्य आदर्श-केंद्रे चिलकुटौ जिलाशिक्षाधिकारी स्वयंसेवक-छात्राणां पुष्पगुच्छेन सत्कारं कृतवन्तः, येन तत्र उत्साहपूर्णं वातावरणं जातम्।
जिलानोडलधिकारी राकेशखापर्डेनोक्तं यत् स्वयंसेविभिः विना आर्थिकप्रोत्साहनं यः असाक्षरशिक्षणकार्यः सम्पादितः सः समाजे साक्षरता-जागरूकता-प्रसारस्य द्योतकः उज्ज्वलः उदाहरणं चास्ति। उल्लास-महापरीक्षया केवलं बस्तरप्रदेशे शिक्षायाः जागरूकता वर्धिता न, किन्तु सर्ववर्गेषु अपि एष संदेशः प्रापितः— यत् ज्ञानप्राप्तौ काचित् आयुर्नास्ति, संकल्पः प्रयत्नश्चैव सिद्धेः कुञ्जीकाविति।
---------------
हिन्दुस्थान समाचार