इस्लामाबादः, 20 अक्टूबरमासः (हि.स.)। पाकिस्तानस्य राष्ट्रपतिः आसिफ अली जरदारी, प्रधानमन्त्री शहबाज शरीफ तथा अन्ये नेतारः अद्य पाकिस्तानस्थे हिन्दूसमाजे प्रति दीपावलिशुभकामनाः अर्पितवान्। राष्ट्रपतिना प्रदत्ते शुभाशंसनसन्देशे सः अल्पसंख्यक-अधिकाराणां प्रति स्वीयां प्रतिबद्धतां पुनः अभिव्यक्तवान्। “डॉन” इत्याख्यवार्तापत्रे रेडियो पाकिस्तानस्य उल्लेखेन राष्ट्रपति–प्रधानमन्त्रिणोः संदेशः उद्धृतः। राष्ट्रपतिः जरदारी उक्तवान्— “दीपावलिपर्व अन्धकारे प्रकाशस्य, तथा च पापे सद्गुणस्य विजयां स्मारयति। भारतस्य संविधानवत्, पाकिस्तानसंविधानमपि सर्वेषां नागरिकानां समानाधिकारं धार्मिकस्वातन्त्र्यं च सुनिश्चितं करोति।” सः अपि अवदत् यत् हिन्दूसमाजेन शिक्षाक्षेत्रे, वाणिज्ये, लोकसेवायां च प्रदत्ताः सेवाः अत्यन्तं प्रशंसार्हाः सन्ति।

प्रधानमन्त्री शहबाज शरीफ अपि पाकिस्तानस्य तथा विश्वस्य सर्वेषां हिन्दूनां प्रति दीपावलीशुभाशंसनं दत्तवान्। सः “X” इत्यस्मिन् (पूर्वं ट्विटर) लिखितवान्— “एषः उत्सवः अन्धकारं निवारयतु, सौहार्दं वर्धयतु, च अस्मान् सर्वान् शान्तेः, करुणायाः, साझासम्पदः च भविष्यस्य दिशि नयतु।” सः अवदत् यत् दीपावलिस्स्वरूपतः अन्धकारे प्रकाशस्य, दुष्टे शुभस्य, निराशायां आशायाः च प्रतीकः अस्ति। दीपावली असहिष्णुता–असमानता–विरोधस्य सामाजिकानां समस्याः पराजयितुं सामूहिकसंकल्पं प्रेरयति। पाकिस्तानजनता-पक्षस्य (PPP) अध्यक्षः बिलावल भुट्टो जरदारी अपि हिन्दूसमाजं विश्वस्य च जनान् प्रति हृदयाङ्गमाः शुभकामनाः दत्तवान्। सः दीपावलिं “प्रकाशस्य, आशायाः, नूतनारम्भस्य च पर्व” इति वर्णितवान्।

बिलावल-गृहस्य माध्यमविज्ञप्त्यां सः उक्तवान्— “दीपावली अस्मान् स्मारयति यत् अन्धकारे सदैव प्रकाशस्य, द्वेषे प्रेम्णः, भेदभावे च सत्य–शान्त्योः विजयः भवति।” सः पुनरुक्तवान् यत् तस्य मातुः बेनज़ीर भुट्टो तथा जुल्फिकार अली भुट्टो इत्ययोः दृष्टिकोणानुसारं पाकिस्तानजनता-पक्षः प्रगतिशीलं समावेशकं च पाकिस्तानं निर्मातुं समर्पितः अस्ति, यत्र सर्वे धर्माः परस्परं सम्मान–सौहार्दाभ्यां सह सह-अस्तित्वं कुर्वन्ति। बिलावलेन अपि पाकिस्तानस्य सांस्कृतिक–राष्ट्रीयजीवने हिन्दूसमाजस्य अमूल्ययोगदानं प्रशंसितम्।

सिंधराज्यस्य राज्यपालः कामरान टेसोरी तथा मुख्यमन्त्री मुराद अली शाह अपि हिन्दूसमाजाय दीपावलिशुभकामनाः अर्पितवन्तौ।

-----------

हिन्दुस्थान समाचार / अंशु गुप्ता