जयपुरम्, 23 अक्टूबरमासः (हि.स.)।पूर्वमुख्यमन्त्री अशोकगहलोतः राजस्थानराज्ये विधिव्यवस्थायाः अवनतिं निर्दिश्य राज्यसर्वकारं प्रति तीक्ष्णं प्रहारं कृतवान्।

गहलोतः सामाजिकमाध्यमे ‘एक्स्’ इत्यस्मिन् वर्तमानराज्यस्थितिं प्रति चिन्तां व्यक्त्वा लिखितवान् — “इदानीं राजस्थानं विधिव्यवस्थावर्जितं जातमिव दृश्यते, अपराधाः निरन्तरं वर्धन्ते। हत्या, लुंठनं, बलात्कारः, चौर्यं च — सर्वे प्रकाराः अपराधाः अभिवृद्धिं गच्छन्ति।”

पूर्वमुख्यमन्त्रिणा उक्तं — “दीपावलिपर्वकालः स एव भवति यदा पुलिसद्वारा विधिव्यवस्था पूर्णतया सजगं, सुदृढं च क्रियते, सुरक्षा व्यवस्थाः अपि दृढतया स्थाप्यन्ते। तथापि उत्सवानां मध्ये जैसलमेरनगरे द्विहत्याकाण्डः, बीकानेरे महिला-न्यायाधीशायाः प्रति लूटः, जोधपुरस्य बिलाड़ा-प्रदेशे च दलितबालिकायाः सह दुष्कर्मं जातम्।”

तेन आरोपितं यत् “राजस्थानं इदानीं अपराधिनां कृते सर्वाधिकं सुरक्षितस्थानं जातम्; तेषां कस्यापि भयः नास्ति। दीपावलिपर्वणि एतादृशाः घटनाः राजस्थानप्रदेशे सम्भवन्ति इति श्रुत्वा लज्जया शिरो नमति।”

---------------

हिन्दुस्थान समाचार