लखनऊ, 29 अक्टूबरमासः (हि. स.)।बहुजनसमाजपक्षस्य राष्ट्रियाध्यक्षया मायावत्याः बुधवासरे दलकार्यालये ‘मुस्लिमसमाजभ्रातृत्वसंगठन’ इत्यस्य विशेषसभा आसीत्। मायावत्या प्रदेशस्य सर्वेषां अष्टादशमण्डलानां प्रत्येकं मण्डलशः ‘मुस्लिमसमाजभ्रातृत्वसंगठनस्य अन्तर्गतम् एकं दलितं च एकं मुस्लिमं च संयोजकत्वेन नियुक्तवती। एतौ द्वौ मिलित्वा स्वमण्डले प्रत्येकविधानसभाक्षेत्रे मुस्लिमसमाजे गत्वा लघुसभाः कृत्वा दलस्य कार्याणि निवेदयन्तौ सदस्यनिर्माणकार्यं च करिष्यतः। अस्य कार्यस्य प्रगति-प्रतिवेदनं प्रत्यक्षं बसपामुख्याय प्रेषितं भविष्यति।

सभां सम्बोधयन्ती मायावती अवदत्— यदा बसपा दलरूपेण च शासनरूपेण च अभवत्, तदा मुस्लिमसमाजस्य हितकल्याणयोः सह तेषां सर्वस्तरेषु यथोचितं सहभागित्वं, जानमालं च धर्मस्य संरक्षणं च सुदृढन्यायव्यवस्थया प्रदाय रक्षां कृतवती। जातिवादं साम्प्रदायिकतां च पर्याप्तं यावत् क्षीणं कृतवती। प्रदेशे बसपा एव तादृशी प्रथमा सरकार आसीत् या अन्यायात्याचार-अराजकता-अपराधिप्रवृत्तीनां विरुद्धं मजलूमानां हितार्थं दृढसंकल्पेन स्थितवती।

उत्तरप्रदेशं सा दङ्ग-शोषण-अन्याय-भयात् मुक्तं कृतवती। अन्या पार्टयः तु केवलं वाग्दोषैः एव दम्भं कुर्वन्ति, तासां वचने क्रियायां च भूमिआकाशयोः भेदः दृश्यते। ते केवलं मतलाभार्थं जनान् उपयोगयन्ति, सरकाराभूय तु दलितान् अन्यांश्च पश्चात् वर्गान् विस्मरन्ति। अतः इदानीं पुनः तेषां वाक्यप्रलोभनेषु न पतितव्यम्।

मायावत्या उक्तम्— वर्षे 2022 इत्यस्मिन् विधानसभानिर्वाचने च तदपूर्वेषु बारम्बारानुभवेभ्यः स्पष्टं जातं यत् मुस्लिमसमाजस्य सर्वाङ्गसमर्थनं लब्ध्वापि इंडीगठबंधनं (सपाकांग्रेसादयः) भाजपां पराजयितुं न शक्नोति। किन्तु तस्मिन् समाजात् अल्पं समर्थनं लब्ध्वापि बसपादलेन भाजपां पराजित्य 2007 तमे वर्षे बहुमतेन शासनं स्थाप्य प्रदर्शितम्। सपा-कांग्रेसादीनां राजनीति दलित-पश्चात्-वंचित-बहुजनविरोधी आसीत्। तेषां दुष्कृत्यैरेव भाजपा उत्तरप्रदेशे दृढा अभवत्।

राष्ट्रीयाध्यक्षया उक्तं यत्— सपा, कांग्रेसादीनां विरोधिपक्षानां नीचानि षड्यन्त्राणि, तथैव दलान्तर्गतानां स्वार्थिप्रवृत्तीनां अवसरवादिनां च अन्तःशत्रूणां चुनौतिः अपि अस्ति। तेषां विरुद्धं कठोरकार्यवाही अपि कर्तव्या भवति। अस्य ताजं उदाहरणं समसुद्दीनराइन इति। येन गतविधानसभा-लोकसभाचुनावयोः विशेषतः पश्चिमउत्तरप्रदेशे दले नष्टं कृतम्। चेतावन्याः अपि पश्चात् अपरिवर्तिते तं दलेन बहिष्कृतम्। सा उपदेशं दत्ता— यत् भविष्ये न पुनरपि तादृशं भीतरघातं भवेत्, अतः सर्वे दलीयजनाः सदा सजगाः भवतु, यत्किञ्चित् दोषसूचना अस्ति तदा तत् मम संज्ञानं नयतु।

बसपामुख्यया उक्तं यत्— देशस्य कोट्यधिकाः दलिताः, आदिवासिनः, पश्चात् वर्गीयाः च मुस्लिमसमाजजनाः च बसपायाः ‘बहुजनसमाज’ इत्यस्य अविभाज्याः अङ्गाः सन्ति। अस्य लक्ष्यं यत्— उत्तरप्रदेशे च देशे च एते वंचिताः शोषिताः उपेक्षिताश्च वर्गाः पदशक्त्याः माध्यमेन दास्यभावात् मुक्ताः स्युः, मानवीयतया आत्मसम्मानपूर्वकं स्वाभिमानयुक्तं च जीवनं जीवेयुः। एषः एव संविधानस्य महत्त्वाकांक्षिणः कल्याणकारीलक्ष्यस्य सिद्धिपथः अस्ति, यः भारतदेशस्य महत्तायै अत्यावश्यकः।

---------------

हिन्दुस्थान समाचार