Enter your Email Address to subscribe to our newsletters
मीरजापुरम्, 2 नवंबरमासः (हि.स.)।
विन्ध्याचलधामे शनिवासररात्रौ मा विन्ध्यवासिन्याः दीपदानमहोत्सवः महान् उत्साहेन श्रद्धाभक्त्या च सह अत्यन्तं भव्यरीत्या आचरितः। मन्दिरप्राङ्गणं दीपानां ज्योतिभिः एवमालोकितं यथा भूमौ स्वर्ग एव अवतीर्ण इव अनुभूयते स्म। सर्वः कोणः दीपप्रज्वलनैः शोभितः जातः तथा च सम्पूर्णं विन्ध्यधामनगरं आस्था भक्तिः सौन्दर्यं च एषां त्रयसां संगमः अभवत्।
सम्पूर्णं मन्दिरं वधुवत् अलङ्कृतं जातम्। पुष्पमालाभिः दीपमालाभिः च विन्ध्याचलस्य शोभा श्रद्धालूनां कृते अद्भुतं दृश्यं समपद्यत। दीपानां लहरिभिः मध्ये मा विन्ध्यवासिन्याः दरबारः तारकाणां निबन्ध इव झलझलितः आसीत्।
कार्यक्रमस्य मुख्यातिथिः जिलाधिकारी पवनकुमारगङ्गवारः आसीत्। तत्र विधायकः पण्डितरत्नाकरमिश्रः, वरिष्ठपुलिसअधिक्षकः सोमेनबर्मा, नगरपुलिसअधिक्षकः नितेशसिंहः च अन्ये बहवः प्रशासनिकाधिकारी उपस्थिताः आसन्।
कार्यक्रमे भारतदेशस्य गौराङ्गी गौरी रूपंपाण्डेय नाम्नी भजनगायिका स्वस्य मधुरभजनैः सम्पूर्णं वातावरणं भक्तिरसपूर्णं कृतवती। तस्या: सुरनिनादैः समग्रं धामं जय मा विन्ध्यवासिनि इत्यनेन घोषेण प्रतिध्वनितं जातम्।
महोत्सवस्य मुख्यव्यवस्थापकः संयोजकश्च प्रधानपूजारी श्रीशेखरशरणोपाध्यायः आसीत्। कार्यक्रमाध्यक्षौ प्रभुसिंहः (धनबाद) प्रमोदकुमारश्च (हैदराबाद) आयोजनकार्ये विशेषं साहाय्यं कृतवन्तौ।
महाजनसमुदायस्य उपस्थितौ अपि सम्पूर्णव्यवस्था सुचारुरूपेण प्रवृत्ता। दीपानां ज्वालाभिः भक्तिसङ्गीतस्य मधुरध्वनिभिश्च सह विन्ध्याचलधामं निशायां दीर्घकालं यावत् देवीमयभावेन निमग्नं तिष्ठत्।
---------------
हिन्दुस्थान समाचार