Enter your Email Address to subscribe to our newsletters
नवदेहली, 27 नवम्बरमासः (हि.स.)। अडाणी-समूहस्य संस्था अडाणी डिफेन्स् सिस्टम्स् एण्ड् टेक्नोलॉजीज् लिमिटेड् (एडीएसटीएल्) प्राइम् ऐरो सर्विसेज् एलएलपी इति संस्थया सह फ्लाइट् सिमुलेशन् टेक्निक् सेन्टर् प्रा. लि. (एफएसटीसी) इत्यस्यां बहुमतांशाधिग्रहणार्थं 820 कोटिरूप्यक-एण्टरप्राइज़्-वैल्यू-आधारितं परामर्शम् अन्तिमरूपेण सिद्धीकृतम्।
अडाणी डिफेन्स् एण्ड् एयरोस्पेस्-संस्थायाः मुख्यकार्यपालकाधिकारी आशीषराजवंशी अवदत्— एतदधिग्रहणम् अस्माकं एकीकृत-विमानसेवा-मञ्चस्य विकासार्थं रणनीतेः अग्रिमः चरणम अस्ति। एफएसटीसी-संस्थायाः एयर् वर्क् तथा इण्डामर् टेक्निक्स्-संस्थाभ्यां सह संयोजनात् अधुना वयं नागरिक-एम्.आर.ओ., सामान्य-विमान्-एम्.आर.ओ., रक्षा-एम्.आर.ओ. तथा पूर्णाङ्ग-विमान-प्रशिक्षणे ग्राहकेभ्यः विस्तृताः सेवाः दातुं समर्था भवामः। भारतीय-विमानसंस्थासु 1500-अधिकानां नवीनविमानानां समावेशेन प्रमाणित-वैमानिकानाम् आवश्यकता बहुगुणिता भविष्यति।
सः अपि अवदत् यत् एषः परामर्शः उन्नत-प्रशिक्षणाय तथा मिशन-पुनराभ्यासाय सर्वकारस्य वर्धमान-प्राथमिकतायाः अनुकूलः सन् रक्षा-सिमुलेशन-क्षेत्रे नवावसरान् सृजिष्यति। सुरक्षित-भारत-दृष्टेः अनुरूपं वयं देशस्य आगामि-पीढ्याः रक्षा-वैमानिकानां निर्माणे योगदानं दातुं लक्ष्यं वहामः। एडीएसटीएल्, अडाणी एण्टरप्राइज़ेस् लिमिटेड् (एईएल्) इत्यस्य सहायक-संस्था अस्ति। होराइज़न् एयरो सॉल्यूशन्स् लिमिटेड् (एचएएसएल्), या एडीएसटीएल् तथा प्राइम् ऐरो सर्विसेज् एलएलपी-संस्थयोः संयुक्त-उद्यमः अस्ति, सा एईएल्-संस्थायाः स्टेप्-डाउन सहायक-संस्था भवति।
अडाणी डिफेन्स् एण्ड् एयरोस्पेस् अडाणी-समूहस्य अङ्गम् अस्ति तथा अत्याधुनिक-रक्षा-उत्पादानाम् अभिकल्पने, विकासे, निर्माणे च अग्रणी वर्तते। फ्लाइट् सिमुलेशन् टेक्निक् सेन्टर् प्रा. लि. (एफएसटीसी) देशस्य सर्वातिवृहत्तमा स्वतन्त्रा विमान-प्रशिक्षण-सिमुलेशन-संस्था अस्ति। एफएसटीसी 11 उन्नतान् पूर्ण-विमान-सिमुलेटरान् तथा 17 प्रशिक्षण-विमानानि सञ्चालयति, येन वाणिज्य-वैमानिक-अनुज्ञापत्रम्, टाइप्-रेटिङ्, पुनः प्रशिक्षणम् तथा विशेष-कौशल-कार्यक्रमान् अन्तर्भाव्य व्यापकं प्रशिक्षणं प्रदाति।
एषा संस्था डीजीसीए (सामान्य-नागरिक-उड्डयन-निर्देशालयः) तथा ईएएसए (यूरोपीय-संघ-विमान-सुरक्षा-अभिकरणम्) इत्याभ्यां प्रमाणिता अस्ति। गुरुग्रामे हैदराबादे च अत्याधुनिक-सिमुलेशन-केन्द्राणि सञ्चालनं करोति, येषां महद्-विस्तारक्षमत्वं वर्तते। तदतिरिक्तं एफएसटीसी हरियाणायां भिवानी-नगरस्य तथा नारनौल-नगरे देशस्य वृहत्तमेषु फ्लाइङ्ग्-विद्यालयेषु एकस्य सञ्चालनम् अपि करोति। नागरिक-उड्डयनवत् एव भारतस्य रक्षा-वैमानिक-प्रशिक्षण-क्षेत्रमपि नवावसररूपेण उद्भवति, यत्र सिमुलेटर-आधारितं प्रशिक्षणं व्ययम् न्यूनयति, सुरक्षा-दक्षतां च वर्धयति। संस्थया रक्षा-नागरिकयोः उभयत्र विस्तारार्थं कठोराः विकास-योजनाः निर्मिताः सन्ति।
हिन्दुस्थान समाचार / अंशु गुप्ता