भोपालम्, 28 नवम्बरमासः (हि.स.)। सामाजिककुरीतीनां विरुद्धं सततं सङ्घर्षं कृतवान् महान् समाजसेवकः, क्रान्तिकारी, चिन्तकः, लेखकश्च महात्माज्योतिबागोविंदरावफुले, यः सामान्यतया महात्माज्योतिबाफुले इति नाम्ना विख्यातः अस्ति, अद्य शुक्रवासरे तस्य पुण्यतिथिः वर्तते। सः जातिव्यवस्थायाः अस्पृश्यतायाश्च विरुद्धं घोरं युद्धं कृतवान्, तथा महिलानां सशक्तीकरणाय अपि सङ्घर्षशीलः अभवत्। भारतीयसमाजे सामाजिकपरिवर्तनस्य दिशि छात्राणां कृते तस्य योगदानं अत्यन्तं महत्त्वपूर्णम् अस्ति। अस्य पुण्यतिथ्यवसरे मध्यप्रदेशस्य मुख्यमन्त्री डाॅ. मोहनयादवमहोदयः तस्मै विनम्रश्रद्धाञ्जलिं दत्तवान्।

मुख्यमन्त्रीमहोदयः सामाजिकमाध्यमे X मध्ये स्वीयसन्देशं प्रकाशयित्वा उक्तवान्—

“समाजसुधारकाय, चिन्तकाय, लेखकाय च महात्माज्योतिबागोविंदराव- फुलेमहाशयाय पुण्यतिथौ विनम्रश्रद्धाञ्जलिं समर्पयामि। सः रूढ़िवादस्य प्रबलं विरोधं कृत्वा दलितानां तथा महिलानां च अधिकारार्थम् उच्चैः स्वरं प्राबल्येन उद्घोषितवान्। देशे अनेकसामाजिकार्याय–

आन्दोलनानाम् आरम्भस्य हेतुना सः सर्वदा स्मर्यते, एवं न्यायपथस्य प्रदर्शकत्वेन सः सदैव वन्दनीयः भविष्यति।”

---

हिन्दुस्थान समाचार / अंशु गुप्ता