पटना, 28 नवंबरमासः (हि.स.)।

बिहारराज्ये राष्ट्रियजनतान्त्रिकगठबन्धनस्य (राजग) सर्वकारस्य निर्माणानन्तरं निर्वाचनकाले जनतायै प्रदत्तप्रतिज्ञासु कार्यं कर्तुं सर्वकारेण आरब्धम् अस्ति। अस्यै क्रमाय अद्य मुख्यमन्त्रिणा नीतिशकुमारेण बिहारराज्यस्य दशलक्षमहिलानां अधिकोषे मुख्यमन्त्री-महिलारोजगार-योजनायाः अन्तर्गतं दशसहस्ररूप्यकपरिमितराशिः प्रत्यक्षं डी-बी-टी-माध्यमेन हस्तांतरिता। हस्तांतरितायां राशौ ९.५० लक्ष ग्रामीणप्रदेशीयानां महिलानां कृते, तथा ५० सहस्र नगरप्रदेशीयानां महिलानां वित्त-अधिकोशे प्रत्यक्षं डी-बी-टी-माध्यमेन धनराशिः मुख्यमन्त्रिणा प्रेषिता।

मुख्यमन्त्री- महिला-रोजगार-योजना इत्यस्य आरम्भः २६ सितम्बरमासे प्रधानमन्त्रिणा नरेन्द्रमोदिनाम्ना विडियो-संवादमाध्यमेन कृतः। ततोऽनन्तरं ७५ लक्षमहिलानां अधिकोशेषु प्रत्यक्षं १०,००० रूप्यकाणि प्रेषितानि। अस्याः योजनायाः अन्तर्गतं ७,५०० कोटिरूप्यकाणां राशि नीतिशसर्वकारेण २६ सितम्बर एव प्रेषिता।

अस्याः योजनायाः अन्तर्गतं महिलाभ्यः दश-दश सहस्ररूप्यकाणि प्रेषयितुं विविधाः कार्यक्रमाः मुख्यमन्त्रिणा निरन्तरं आयोजिता, तथा निर्वाचनघोषणापूर्वं एककोटिः एकविंशतिलक्षमहिलानां खातेषु दश-दश सहस्ररूप्यकाणि प्रेषितानि। मुख्यमन्त्रिणा डिसेम्बरमासपर्यन्तं राशिप्रेषणस्य समय-सूची पूर्वमेव निर्मिता आसीत्, यस्यानुसारं निर्वाचनसमयेऽपि रोजगारार्थं दशसहस्ररूप्यकाणि जीविका-माध्यमेन प्रेषितानि। जीविकापदाधिकारिणां अनुसारम्, अद्यतनपर्यन्तं एककोटिषट्पञ्चाशल्लक्ष महिलानां अधिकोशेषु १०,००० रूप्यकपरिमाणराशिः प्रेषिता।

सर्वकारः अधुना ताभिः महिलाभिः पूर्वं प्राप्तराशेः उपयोगेन आरब्धानां रोजगारकार्यार्थानां मूल्याङ्कनं कुर्वन् अस्ति। तदर्थं जिला-परियोजना-विभागेन (जीविका) जिलातः आरभ्य पंचायतस्तरपर्यन्तं प्रक्रिया आरब्धा। विभागेन प्रखंडवार दलानि नियोजितानि, यानि योजनालाभिनीनां गृहाणि द्वारात्-द्वारं गत्वा तासां रोजगारविषयं ज्ञास्यन्ति। सर्वकारेण पूर्वमेव घोषणा कृतं यत् षण्मासान्तराले मूल्याङ्कनं विधास्यते, ततः परं द्विलक्षरूप्यकाणि पुनः दास्यन्ते। एतत् एन-डी-ए-संकल्पपत्रेऽपि समाविष्टम्।

---------------

हिन्दुस्थान समाचार / Dheeraj Maithani