नाहनम्, 28 नवंबरमासः (हि.स.)। हिमाचलप्रदेशस्य फुटबॉल्-संघेन एतस्मिन् वर्षे अष्टपञ्चाशततम्या वरिष्ठवर्गीयपुरुष-फुटबॉल्-स्पर्धायाः आयोजनम् कर्तुं निश्चयितम्। जिलसिरमौर-फुटबॉल्-संघेन अस्याः स्पर्धायाः नाहन्-नगर्यां आयोजनं भविष्यति। स्पर्धा दिसम्बर्-मासस्य प्रथमदिने आरप्स्यते, यस्मिन् प्रदेशात् द्वादश दलानां सहभागः भविष्यति। अस्मादेव प्रतियोगितात् सन्तोष-ट्रॉफी इति राष्ट्रीय-स्तरस्य महत्त्वपूर्णस्य स्पर्धायाः कृते अपि दलस्य चयनं भविष्यति।

नाहन्-नगरे आयोजिते पत्रकारपरिषद्-मिलने प्रदेश-फुटबॉल्-संघस्य महासचिवः दीपक-शर्मा नाम अधिकारी अवदत्— दीर्घकालानन्तरं पुनरपि एतस्याः प्रतिस्पर्धायाः आयोजनं क्रियते तथा च केवलं हिमाचल-बोना-फाइड् इति स्वीकृताक्रीडकाः एव अस्मिन् भागं ग्रहीष्यन्ति। अत्रैव सन्तोष-ट्रॉफी-नाम राष्ट्रीय-प्रतिष्ठायुक्तायाः स्पर्धायाः कृते दलस्य चयनं भविष्यति। एतेषां चयनितानां क्रीडकानां कृते विशेष-प्रशिक्षण-शिविरम् अपि पंजाबे भविष्यति इति सः उक्तवान्। शर्मा अवदत् यत् एते प्रतियोगितिप्रतिस्पर्धाः नाहनचौगाने दिवा रात्रौ च खेलिष्यन्ति।

---------------

हिन्दुस्थान समाचार / अंशु गुप्ता