वडोदरा, 29 नवंबरमासः (हि.स.)।

भारतीयजनतादलस्य (भाजपा) राष्ट्रीयाध्यक्षः जे.पी. नड्डा शनिवासरे अवदत् —

“कांग्रेसदलेन साजिशया सरदार–पटेलस्य नाम इतिहासतः अपोहतुं कार्यं कृतम्।” अस्याः साजिशायाः प्रसङ्गे सः उक्तवान् यत् जवाहरलाल–नेहरुः कश्मीरप्रदेशे अनुच्छेदं 370 स्थापितवान्, येन तत्र भारतीय–नियमाः प्रभावेन न प्रवर्तन्ते स्म* । प्रधानमन्त्रिणः नरेन्द्रमोदिनः दृढ़–इच्छाशक्त्या, गृह–मन्त्रिणः अमित–शाहस्य रणनीत्या च अस्मिन् अनुच्छेदे निष्कासिते सरदार–पटेलस्य अखण्ड–भारत–स्वप्नं साकारम् अभवत्।

नड्डा अद्य लौहमनः सरदार–वल्लभभाई–पटेलस्य 150-तम जन्मजयंती-अवसरे आयोजितायाः यात्रायाः निमित्तं गुजरातस्य वडोदरा–नगरस्य अटलादरस्थले सभाम् अभिभाषमाणः आसीत्। तेन सरदार–पटेलस्य योगदानम् अनुस्मृत्य कांग्रेसदले उपरि गंभीर आरोपाः अपि कृताः। सः अवदत् —“कांग्रेसदलेन साजिशया एव इतिहासतः पटेलस्य नाम अपोहनं कृतम्। तस्य अन्त्येष्टिसमये अपि वरिष्ठनेतॄन् उपस्थितुं न अनुमन्यत, यतः इतिहासे तस्य नाम न लिख्येत्।”

सभासमये सुरक्षा–विन्यासे नियुक्तः एकः आरक्षकः सहसा मूर्छितः भूमौ पतितः, येन किञ्चित्कालं कोलाहलः अभवत्; किन्तु प्राथमिक–चिकित्सायाः अनन्तरं सः सम्यक् स्वस्थः सुरक्षितश्च इति विज्ञापितम्। लौहमनः पटेलस्य 150-तम जन्मजयंती-अवसरे करमसद्–देशात् आरब्धा ‘सरदार @150 राष्ट्रिय–एकता–यात्रा’ अद्य वडोदरा–नगरम् प्रविष्टा। यात्रायाः आगमने सेवासी, गोट्री, ताण्डलजा, अटलादरा ब्रह्मकुमारी–केन्द्रादिषु स्थलेषु भव्यस्वागतं कृतम्। अटलादरा स्वामिनारायण–मन्दिरे अपि विशेष-सम्मानः प्रदत्तः। अस्मिन् अवसरे केंद्रीयमन्त्री पीयूष–गोयलः, गुजरातप्रदेश–भाजपा–अध्यक्षः जगदीश–विश्वकर्मा, अन्ये च वरिष्ठनेतारः यात्रायाः सहागताः आसन्।

धारा 370 निष्कासनात् सरदार–पटेलस्य स्वप्नं पूर्णम् — नड्डा

नड्डा अवदत् — जवाहरलाल–नेहरुणा धारा 370 स्थापिता, येन कश्मीरं समस्याग्रस्तम् अभवत्। नरेन्द्रमोदिना अमितशाहेन च अस्य अनुच्छेदस्य निष्कासनात् सरदार–पटेलस्य अखण्ड-भारत-स्वप्नं पूर्णतां प्राप्नोत्।

सः उक्तवान् यत् सरदार–पटेलः न केवलं राष्ट्रस्य नायकः, अपि तु *एकः राष्ट्रीय–पुरुषः आसीत्। तेन 562 रियासताः भारत–संघे संयोज्य ‘एकं भारतम्, श्रेष्ठं भारतम्’ इति आधारशिला स्थापिताः। यद्यपि सः बॅरिस्टर् आसीत्, तथापि सः कृषकानां पक्षे स्थित्वा आङ्गल–शासनस्य विरुद्धं संघर्षं कृतवान्। लोकमान्य–तिलकस्य स्मरणार्थं अहमदाबादस्य विक्टोरिया–गार्डनस्य नाम तिलक–उद्यानम् इति परिवर्तितम् — एतत् कार्यम् अपि तेन कृतम्।

सः अवदत् —“स्टैच्यू ऑफ यूनिटी केवलं प्रतिमा नास्ति, अपि तु 140 कोटि भारतीयानां एकत्वस्य भावनायाः प्रतीकः।”

देशस्य प्रत्येकग्रामात् सङ्गृहीतया पवित्रया भूम्या एव अस्य प्रतिमायाः निर्माणं कृतम्, यस्य उन्नतिः 182 मीटर्स् अस्ति, सा च जगति उच्चतमा प्रतिमा।

नड्डेन एतदपि अभिहितम् —

5 अगस्त 2020 तः पूर्वं कश्मीरप्रदेशे आरक्षणनीतिः न प्रवर्तिता आसीत्। अधुना जनाः विधानसभायां यथोचितं प्रतिनिधित्वं प्राप्नुवन्ति।

नेहरुणा कश्मीरप्रदेशे दीर्घकालिकः रोगः उपन्यस्तः आसीत्, यं मोदि–सर्वकारेण समूलं निवारितम्। एतत् कृत्वा सर्वकारः सरदार–पटेलं यथोचितं सम्मानं स्थानं च प्रदत्तवान्। यात्रायाः वडोदरा–प्रवेशेन सह युवानां नागरिकानां च मनसि अपारः उत्साहः उमङ्गश्च दृष्टः। सर्वत्र ‘अखण्ड-भारताय’ इति घोषाः प्रतिध्वनिमानाः आसन्।

---------------

हिन्दुस्थान समाचार / अंशु गुप्ता