Enter your Email Address to subscribe to our newsletters
सिलीगुड़ी, 29 नवंबरमासः (हि.स)। राज्यस्य विपक्षनेता शुभेन्दुः अधिकारी स्वर्णकन्या ऋचा-घोषम् अभिनन्दितुं सिलिगुडी-नगरं प्राप्तः। शनिवासरस्य प्रातःसमये कोलकाता-नगरात् बागडोगरा-विमानपत्तनम् अवतीर्य शुभेन्दुः अधिकारी सुभाषपल्ली-प्रदेशे स्थितं ऋचायाः गृहं प्रत्यक्षं आगच्छत्। तेन सह दार्जिलिङ्-सांसदः राजू-बिष्टः, सिलिगुडी-विधायकः शङ्करः घोषः, डाबग्राम-फूलबाड़ी-विधायिनी शिखा-चटर्जी, तथा स्थानीय-भाजपा-नेतारः उपस्थिताः आसन्।
अस्मिन् अवसरे शुभेन्दुः अधिकारी राजू-बिष्टश्च ऋचां सम्मानयन्तौ तस्यै पुष्पगुच्छं बहूनि उपहाराणि च दत्तवन्तौ। शुभेन्दुना पृथक् स्वर्णकन्यायै मिठायोऽपि प्रदत्ताः। ऋचा घोषः अतिविनीतया प्रहृष्टा आसीत् यत् विपक्षनेता, सांसदः, विधायकाः च स्वगृहम् एव आगत्य तां स्वागतवन्तः।
पत्रकारैः सह संवादे शुभेन्दुः अधिकारी अवदत्—“ऋचायाः विजयः सहस्रशः यूनां, विशेषतया अस्माकं कन्यानां मार्गदर्शकः भविष्यति। तासां स्वप्नदर्शने, तेषु क्षेत्रेषु अग्रसरणे च साहसं जनयिष्यति। वयं ऋचायाः निरन्तरं यशः प्रार्थयामः तथा च आगामिवर्षेषु तस्याः श्रेष्ठं प्रदर्शनम् अपेक्षामहे।”
शुभेन्दुः अधिकारी अवदत्—राज्यसरकारा सिलिगुडी-क्षेत्रे ऋचायाः नाम्ना एकं क्रीडास्थानं निर्मातुं रुचिं दर्शितवती। तस्याः पहलस्य स्वागतं कृत्वा सः अवदत्—“सर्वकारः सत्तायां केवलं अल्पदिनानि अवशिष्टानि सन्ति। यद्यपि स्टेडियम् भविष्ये निर्मीयेत, तर्हि अत्युत्तमम्।”
हिन्दुस्थान समाचार