नाहनम्, 30 नवंबरमासः (हि.स.)।भाजपायाः प्रदेशाध्यक्षः डॉ राजीवबिन्दलः रविवासरे नाहन–विधानसभाक्षेत्रस्य अन्तर्गते बूथ् संख्या 38 यशवन्तविहार–नाहन स्थले भाजपाकार्यकर्तृभिः सह देशस्य प्रधानमन्त्रिणः नरेन्द्रमोदिनः मनःकथनम् कार्यक्रमस्य प्रत्यक्षश्रवणं कृतवान्। अस्मिन् अवसरि बहवः कार्यकर्तारः स्थानीयनागरिकाश्च उपस्थिताः आसन्।

डॉ बिन्दलः अवदत् यत् अद्य सम्पूर्ण–हिमाचलप्रदेशे विविधेषु बूथेषु भाजपायाः श्रेष्ठकार्यकर्तारः सामान्यजनाश्च उत्साहेन प्रधानमन्त्रिणः मनःकथनम् कार्यक्रमं श्रुतवन्तः।

ते अवदन्—यत् मनःकथनम् न केवलं रेडियो–कार्यक्रमः, किन्तु देशवासिनः राष्ट्रनिर्माणेन संयोजयितुं शक्तिमान् माध्यमम् अस्ति। प्रधानमन्त्रिणः नरेन्द्रमोदिनः प्रत्येकं संबोधनं समाजाय नूतनाम् ऊर्जाṃ, नूतनां दिशां नूतनस्य अध्ययनस्य प्रेरणां च ददाति।

एतस्य कार्यक्रमस्य 128 तमे अङ्के प्रधानमन्त्रिणा देशस्य विकासः नवोन्मेषः युवाशक्ति कृषि संस्कृति रक्षा पर्यटनम् आत्मनिर्भर–भारतस्य संकल्पः इत्यादिषु विषयेषु प्रेरणादायकसन्देशाः दत्ताः।

डॉ बिन्दलः उक्तवान्—यत् प्रधानमन्त्रिणा गीतामहोत्सवः काशी–तमिल–संगमम् भारतीयसंस्कृतेः वैश्विकप्रसारः भगवान्बुद्धस्य पवित्रावशेषानां विश्वभ्रमणम् भारतस्य सांस्कृतिकविरासतिः इत्यादीनि गर्वेण प्रकाशितानि, येन एकभारत–श्रेष्ठभारत इति भावना अधिकं सुदृढा जाता। तेन नौसेनादिनम्, रक्षाक्षेत्रे आत्मनिर्भरता, देशस्य सामरिकशक्ति च अपि प्रकटिता।

डॉ राजीवबिन्दलः अन्ते अवदत्यत् प्रधानमन्त्रिणः मनःकथनम् कार्यक्रमः राष्ट्रप्रेमे, आत्मनिर्भरत्वे, सांस्कृतिकगौरवे, सततनिर्माणे च देशवासिनः प्रेरयति। भाजपाकार्यकर्तारः बूथ्–स्तरपर्यन्तं एतान् प्रधानमन्त्रिसन्देशान् जन–जने सम्यग् प्रापयिष्यन्ति।

---------------

हिन्दुस्थान समाचार