नोएडा, 21 नवंबरमासः (हि.स.)। वरिष्ठ-नागरिकान् प्रति वर्धमानस्य साइबर-ठगी-समस्यायाः समाधानाय पुलिस-विभागेन नूतनाः जागरूकता-प्रयत्नाः आरब्धाः। सेक्टर-१०८-स्थित-पुलिस-कमिश्नरेट-कार्यालयस्य सभागारे डिजिटल-सुरक्षा-मिशन नामकः विशेषः कार्यक्रमः सम्पन्नः, यस्य मुख्योऽभिप्रायः वरिष्ठ-नागरिकैः सह संवादं स्थाप्य तान् साइबर-अपराधानां प्रकारैः, तेषां नूतन-नूतनैः उपायैः, तथा तेषां प्रतिरोध-विधिभिः अवगतान् कर्तुं आसीत्। कार्यक्रमे अपर-पुलिस-आयुक्तः राजीव-नारायण-मिश्रः अवदत् यत् जनानां डिजिटल-भयेषु जागरूकता-वृद्धये तथा साइबर-अपराध-निरोधाय एसबीआई-कार्ड्स् इत्यनेन सह संयुक्तं विशेष-जागरूकता-अभियानम् आयोजनम् अभवत्।

अस्मिन् कार्यक्रमे एसबीआई-कार्ड्स्-विशेषज्ञ-संघः तथा साइबर-क्राइम-सेल-अधिकृताः वरिष्ठ-नागरिकेभ्यः ऑनलाइन-बैंकिंग्, क्रेडिट्-कार्ड्, युपिआइ-धोखाधड़ी-निवारण-विषये विस्तारतः उपदेशं प्रदत्तवन्तः। ओटीपी, पासवर्ड्, कार्ड्-विवरणादीनां गोपनीयतायाः महत्त्वं, कपट-कॉल्, केवाईसी-अद्यतनम्, इनाम-लॉटरी, निवेश-प्रलोभनादीनां सामान्य-ठगी-रूपाणि च विशदीकृतानि। डिजिटल-भुगतानस्य सुरक्षित-उपयोगः, संशयास्पद-स्थितौ करणीयाः त्वरित-क्रियाः, साइबर-हेल्पलाइन-संख्या १९३० इत्यस्य उपयोगिता, राष्ट्रीय-साइबर-अपराध-पोर्टलस्य च भूमिका अपि वरिष्ठेभ्यः कथिता।

रामाज्ञा-विद्यालयस्य छात्रैः प्रस्तुतः नुक्कड्-नाटकः सर्वान् प्रति साइबर-सुरक्षां रोचक-प्रकारेण प्रापयन् बोधयितुं प्रभावी जातः। अधिकारीभिः यथार्थ-प्रकरण-उदाहरणैः अपि प्रदर्शितं यत् ठगाः कथं तांत्रिकं भ्रमं निर्माय जनान् विशेषतः वृद्धान् ठगयन्ति, तथा कथं सजागता, सावधानता च एतान् अपराधान् निवारयितुं शक्नोति। कार्यक्रमे उपस्थिताः वरिष्ठ-नागरिकाः स्वानुभवान् साझीकृतवन्तः, अनेकाः प्रश्नाः अपि पृष्टवन्तः, येषां समाधानं विशेषज्ञैः प्रदत्तम्।

अन्ते पुलिस-अधिकृतैः उक्तं यत् गौतमबुद्धनगर-पुलिस-कमिश्नरेट् निरन्तरं वरिष्ठ-नागरिक-हिताय विशेष-अभियानानि, प्रशिक्षण-सत्राणि, आउटरीच्-कार्यक्रमांश्च आयोजयिष्यति। वर्तमान-साइबर-प्रवृत्तौ ज्ञायते यत् ठगाः डिजिटल-अरेस्ट् इत्याख्यां नूतनां युक्तिं प्रयुज्य वृद्धान् विशेषतया लक्ष्यीकुर्वन्ति, निवेश-मुनाफा-प्रलोभनैः च ठगीं कुर्वन्ति इति। वरिष्ठ-नागरिकानां व्यक्तिगत-डाटायाः लीक-सम्भावनापि व्यक्ता। अतीते मासि साइबर-जागरूकता-सप्ताहे यूट्यूब्-लाइव्-माध्यमेन लाखाधिकाः जनाः एकत्रिताः, विद्यालय-विद्यार्थिनोऽपि अभियानस्य भागिनः अभवन्। एते सर्वे प्रयासाः समाजे साइबर-सुरक्षायाः चेतनां वर्धयितुं तथा वरिष्ठ-नागरिकानां डिजिटल-जीवनं सुरक्षितं कर्तुं महत्त्वपूर्णं पृष्ठपोषणं ददति।

---------------

हिन्दुस्थान समाचार