-एनआईटी 20तमे दीक्षांत समारोहे उपराष्ट्रपतिः मुख्यमंत्री च सम्मिलितौ

-सर्वकार शिक्षा सुधारः, डिजिटलसर्वकाराय ग्रामीण विकास हेतवे च प्रतिबद्धः

चंडीगढ़म्, 30 नवंबरमासः (हि.स.)।

हरियाणाराज्यस्य राज्यपालः प्रो असीमकुमारघोषः अवदत् यत् एनआईटी कुरुक्षेत्रं भारतस्य अनुसंधाननवोन्मेषपरिसंस्थायाः एकः महत्त्वपूर्णः स्तंभः रूपेण शीघ्रगत्या उदितं भवति, आगामिकाले गौरवस्य उपलब्धिनां च नूतनशिखराणि प्राप्स्यति।

राज्यपालः रविवासरे एनआईटी कुरुक्षेत्रस्य विंशतितमे दीक्षांतसमारोहे युवा स्नातकान् पदकप्राप्तान् च संबोधयन् आसीत्। अस्मिन् समारोहस्य मुख्यातिथिरूपेण भारतस्य उपराष्ट्रपतिः सीपी राधाकृष्णन्, विशिष्टातिथिरूपेण हरियाणामुख्यमंत्री नायबसिंहसैनी च उपस्थितौ।

राज्यपालेन अवोचि यत् गतवर्षेषु एनआईटी कुरुक्षेत्रे शैक्षणिकक्षेत्रे उल्लेखनीयः परिवर्तनः जातः। इदानीं तु एतत् संस्थानं पञ्चदश स्नातककार्यक्रमान् अष्टाविंशतिं स्नातकोत्तरकार्यक्रमान् च प्रदाति, येषु सप्तदश एमटेक्, चत्वारि एमएससी, एमबीए, एमसीए, इंटीग्रेटेड बीटेक एमटेक् च अन्ये च कार्यक्रमाः अन्तर्भवन्ति।

अस्मिन् अवसरि हरियाणामुख्यमंत्री नायबसिंहसैनी अवदत् यत् परिवर्तमानयुगे चुनौतिनां सुगमं प्रभावी च समाधानं केवलं नवोन्मेषेन सम्भवति। सः पदवीप्राप्तान् पदकगृहीतान् च युवान् प्रति आह्वानं कृतवान् यत् ते स्वज्ञानकौशलयोः उपयोगेन समाजसमस्याः सरलतया समाधानयन्तु।

मुख्यमन्त्रिणा धर्मक्षेत्रस्य कुरुक्षेत्रस्य ऐतिहासिकमहत्त्वं स्मारितम्। सः अवदत् यत् एषा एव पवित्रभूमिः यत्र 5163 वर्षाणि पूर्वं महाभारतयुद्धं जातं तथा यत्र विज्ञानस्य तंत्रज्ञानस्य च सर्वोत्तमस्तरः दृष्टिगोचरः अभवत्।

---------------

हिन्दुस्थान समाचार