देहरादूनम्, 86 नवम्बरमासः (हि.स.)। उत्तराखण्डराज्यस्य मुख्यमन्त्री पुष्करसिंहधामी महोदयः महिला क्रिकेट् विश्वकप् स्पर्धायां भारतस्य प्रतिनिधित्वं कृतवान् उत्तराखण्डस्य कन्यायाः स्नेहाराणया सह दूरभाषे संभाष्य तस्याः उत्कृष्टप्रदर्शनस्य भारतविजयस्य च अभिनन्दनं कृतवान्। मुख्यमन्त्रिणा स्नेहाराणायाः सिद्धेः देशप्रदेशयोः गौरववृद्धेः प्रसङ्गे 50 लक्षरूप्यकाणां प्रोत्साहनराशेः घोषणां कृतम्। मुख्यमन्त्रिणा उक्तं यत् – “भारतीयक्रिकेट्-दले चयनं प्राप्तायाः स्नेहाराणायाः अभिनन्दनम्। उत्तराखण्डस्य बालिकाः देशं गौरवयन्ति, तत्र स्नेहाराणायाः प्रदर्शनं तस्याः उज्ज्वलम् उदाहरणम्।”

मुख्यमन्त्री अवदत् – “स्नेहाराणा महोदया स्वश्रमेण, संकल्पेन, प्रतिभया च उत्तराखण्डस्य नाम विश्वपटलपर्यन्तं प्रकाशयामास। तस्याः सफलता राज्यस्य युवानां विशेषतया कन्यानां प्रेरणास्रोतः अस्ति। राज्यसर्वकारः क्रीडकेभ्यः उत्तमसुविधा प्रोत्साहनं च दातुं संकल्पिता अस्ति।” मुख्यमन्त्रिणः सम्मानं प्रोत्साहनराशेः च घोषणां प्रति स्नेहाराणायाः आभारः व्यक्तः, सा अवदत् यत् “अहं देशस्य उत्तराखण्डस्य च नाम विश्वे प्रकाशयितुं निरन्तरं प्रयतिष्ये।”

हिन्दुस्थान समाचार / Dheeraj Maithani