अयोध्यानगरम्, १ दिसंबरमासः। श्रीरामजन्मभूमितीर्थक्षेत्रन्यासस्य अध्यक्षः तथा श्रीमणिरामदासछावनी-पीठाधीश्वरः पूज्यः महन्तः नृत्यगोपालदासमहाभागस्य मन्दिरं श्रीमणिरामदासछावनी इत्यस्य बाल्मीकिरामायणभवने सोमवासरे गीताजयंतीपर्वं महोत्साहेन आचरितम्। अस्मिन्नवसरे प्रभाते २५०० अधिकाः वैदिकविद्वांसः, बटुको ब्राह्मणाः, सन्ताः धर्माचार्याश्च सस्वरं गीतापाठं सम्पन्नम्।

एतस्मिन्नवसरे महन्तेन नृत्यगोपालदासेन सर्वेभ्यः भक्तेभ्यः आशिषो दीयन्ते स्म। सर्वैः राममन्दिरवत् श्रीकृष्णजन्मभूमिः अपि शीघ्रं निर्मीयताम् इति कामना कृताऽभूत्। अद्य एकादश्याः दिवसे अयोध्यायाः साधवः शौर्यदिवसः इति अस्य उत्सवस्य आचरणं कुर्वन्ति स्म। अयं महोत्सवः अयोध्या,मथुरा,काशी,प्रयागराज इत्यादि-जनपदेभ्यः आगतानां संस्कृतवैदिकविद्यार्थिनां सहभागेन सम्पन्नः।

श्रीरामजन्मभूमितीर्थक्षेत्रट्रस्ट इत्यस्य अध्यक्षस्य महन्तस्य नृत्यगोपालदासस्य उत्तराधिकारी महन्तः कमलनयनदासेन अवेदितम् यत् गीताजयंत्यां भगवान् कृष्णः अर्जुनं कर्मप्रधानता-उपदेशेन अनुगृहीतः। अस्यां एव गीताजयंत्यां विवादितस्य आलेखस्य विनाशः जातः। अयम् उत्सवः प्रतिवर्षं प्रचलति; यस्मिन् अयोध्यायाः समीपजनपदेभ्यः वैदिकवटुकाः आचार्याश्च संमिलन्ति। सर्वे मिलित्वा गीतापाठं कुर्वन्ति। अस्य पाठस्य पुण्यप्रभावः श्रीकृष्णजन्मभूमौ अपि भवतु, तथा च तत्रापि भगवान् रामस्य भव्यमन्दिरवत् शीघ्रं महोत्सवनिर्वाहः भवतु इति भावः व्यक्तः।

विश्वहिन्दुपरिषदस्य प्रान्तीयमाध्यमप्रभारी श्रीः शरदशर्मा अवदत् यत् प्रतिवर्षं राममन्दिरट्रस्ट इत्यस्य अध्यक्षस्य पूज्यमहन्तनृत्यगोपालदासमहाराजस्य सान्निध्ये अयं समारोहः आचर्यते। अस्मिन् २०० अधिकाः गीतामनीषिणः अत्र सम्मिलन्ति। गीता अस्मान् कर्मणः महत्त्वम्, आचरणस्य शुद्धता च शिक्षयति; समाजस्य विरोधिनः विषयानपि प्रकाशयति, अतः गीताजयंती अस्माकम् अत्यन्तं महत्त्वपूर्णा। तेन उक्तम् ६ दिसंबर १९९२-दिवसेऽपि गीताजयंती एव आसीत्, यस्यां दिवसे विवादितं विन्यासं विनष्टम्। अद्य भव्यं मन्दिरं निर्मितम्, शिखरे ध्वजारोहणं च सम्पन्नम्।

अस्मिन् अवसरे नगरनिगनायोध्यामहापौरः महन्तः गिरीशपतित्रिपाठी, सुप्रसिद्धकथावाचकः आचार्यः राधेश्यामशास्त्री च उपस्थिताः आसन्।

हिन्दुस्थान समाचार / अंशु गुप्ता