​नव दिल्ली, 01 दिसंबरमासः (हि.स.)।सोमवासरे राष्ट्रपतिना द्रौपदीमुर्मुणा वक्तव्यं यद् “वैश्विकबाजारे दृढां प्रतिष्ठां कर्तुं पादत्राणव्यवसायस्य विस्तारः आवश्यकः। एतेनैव विद्यार्थिनां कृते उद्यमितायाः मार्गः उद्घाट्यते, महती च रोजगारसृष्टिः सम्भवति।” इति।

सा अद्य नवदिल्लीस्थितस्य पादत्राणरूपांकनविकाससंस्थानस्य (FDDI) दीक्षांतसमारम्भे एतत् अभ्यधात्।

तयाऽभिहितं यत् “भारतं वेगपूर्वकम् आत्मनिर्भरं भूत्वा वैश्विकआर्थिकमञ्चे स्वीयां भूमिकामधिकं विस्तारयितुं समर्थम्।”

राष्ट्रपतिना उक्तं यत् भारतं पादत्राणनिर्माणे उपभोगे च जगति द्वितीयस्थाने वर्तते। वित्तवर्षे २०२४–२५ मध्ये भारतस्य पादत्राणनिर्यातः २५० कोटिडोल्लरेषु न्यूनाधिकः आसीत्, आयातस्तु ६८ कोटिडोल्लरपरिमितः। एवमनया भारतस्य निर्यातः आयातात् प्रायः चतुर्गुणः अस्ति। तया उक्तं यत् भारतं जगति प्रमुखः पादत्राणनिर्यातकः, किन्तु निर्यातवृद्धये पादत्राणव्यवसायस्य विस्तारः कर्तव्यः।

राष्ट्रपतिः FDDI तथा युनिवर्सिटी ऑफ नॉर्थम्प्टन इत्यनयोः मध्ये सम्पन्नस्य समझौताज्ञानपत्रस्य प्रसङ्गेन संतोषं व्यक्तवती। एतत् भारत–ब्रिटनयोः मध्ये मुक्तव्यापारसहमतेः अर्धे सहयोगस्य गाढीभावनां द्योतयति इति सा अवदत्। तया निर्दिष्टं यत् अस्मिन् ज्ञापनपत्रे टिकाऊद्रव्येषु च चक्रीयार्थव्यवस्थायाः पद्धतिषु विशेषः बलः दत्तः अस्ति, यत् उभययोः देशयोः पर्यावरणसंरक्षणप्रतिबद्धतां सूचयति।

छात्रान् प्रोत्साहयन्ती सा अवदत्— “भवतः कार्यं केवलं रूपांकनपर्यन्तं न भवेत्, किं तु राष्ट्रसमाजयोः हिताय बहुमुखं भवेत्।” तया बलं दत्तं यत् ते स्वपादत्राणरूपांकनं स्वास्थ्यम् आजीविकां च समर्थयितुम् उपयुञ्जेरन्, रोजगारसृष्टिं कुर्वन्तु, आर्थिकविषमतां शमयन्तु, भारतीयनिर्यातं नूतनशिखराणि नयन्तु, गुणवत्तया वैश्विकबाजारे भारतस्य प्रतिनिधित्वं कुर्वन्तु। एवं ते “आत्मनिर्भरभारत” निर्माणे प्रत्यक्षं योगदानं दास्यन्ति।

उल्लेखनीयं यत् वाणिज्य–उद्योगमन्त्रालयस्य DPIIT इत्यनेन आत्मनिर्भरभारतकार्यक्रमस्य अन्तर्गतं पादत्राणक्षेत्रं ‘चैम्पियन्–सेक्टर’

इति घोषितम्।

---------------

हिन्दुस्थान समाचार / अंशु गुप्ता