- नौसेनायाः कमाण्डरिणा सह जातायां वार्तायां प्रमुखविषयाः केन्द्रीकृताः। प्रमुखविषयाः केन्द्रीकृताः।

नबदेहली 10 दिसंबरमासः (हि.स.)। ब्राज़ीलदेशस्य चतुरह-दिवसीय-भ्रमणाय गतः भारतीयनौसेनायाः प्रमुखः ऐड्मिरल् दिनेशः के. त्रिपाठीः बुधवासरे ब्राज़ील–नौसेनायाः कमाण्डरं ऐड्मिरल् मर्कोस् सैम्पाइओ ओल्सन् इति नामानं साक्षात् अभिपेदे। भारत–ब्राज़ीलयोः मध्ये वर्धमानं नौसैनिकसहयोगं सुदृढीकर्तुं प्राप्तायां चर्चायां परिचालन–सम्बद्ध–सम्पर्कः, प्रशिक्षणस्य परस्पर–विनिमयः, जलमानचित्र–सहयोगः, सूचनाविनिमयः, समुद्री–प्रदेशे जागरूकता–वर्धनस्य उपायाः च प्रमुखतया अभिमुखीकृताः।

नौसेनाया अवगतं यत् रक्षा–उद्योगे, प्रौद्योगिकी–विकासे, नवनवोन्मेषे, सर्वोत्तम–प्रचलनानां विनिमये, तथा उभयोः नौसेनयोः मध्ये क्षमता–निर्माण–क्षेत्रे सहयोगस्य विस्तारस्य विषये अपि विस्तीर्णा चर्चा अभवत्। भारत–ब्राज़ील् समुद्री–सहभागिताया दृढीकरणेन वैश्विक–समुद्री–साधनानि (Global Maritime Commons) ‘ग्लोबल् साउथ्’ इत्यस्य प्रदेशे स्थिरतां दातुं शक्यते। एषः भ्रमणः भारतीय–ब्राज़ील् नौसेनयोः मध्ये दृढं वर्धमानं समुद्री–सहयोगं सुदृढीकर्तुं लक्षीकृतः अस्ति। एतत् भारत–ब्राज़ील् व्यापक–सामरिक–सहभागिताया एकः महत्त्वपूर्णः स्तम्भः अस्ति।

ऐड्मिरल् दिनेशः के. त्रिपाठीः १२ डिसेम्बर् तिथि–पर्यन्तं ब्राज़ील् राष्ट्रस्य अधिकृत–यात्रायां स्थितः। भ्रमणकाले ते ब्राज़ीलस्य रक्षा–मन्त्रिणा जोस् मुसीओ इत्यनेन सह, तथा ब्राज़ील् सशस्त्र–बलानां संयुक्त–स्टाफ्–प्रमुखेण ऐड्मिरल् रेनाटो रोड्रिग्स् दी अगुइर् फ्रेय्र् इत्यनेन सह विचार–विनिमयं करिष्यन्ति। अस्याः यात्रायाः प्रयोजनं द्विपक्षीय–समुद्री–सहयोगस्य समीक्षां कर्तुं, परिचालन–स्तरीय–सम्बन्धान् वर्धयितुं, उभय–नौसेनयोः मध्ये नवीनान् सहयोग–मार्गान् अन्वेष्टुं च अवसरो दातुं भवति। एतस्मिन् भ्रमणे परिचालन–समादेशैः सह चर्चाः, नौसैनिक–आधाराणां, ब्राज़ील्–नौसेनाया शिप्–यार्ड्–प्रदेशानां च निरीक्षणं भविष्यति।

वारसाझानां समुद्री–प्राथमिकतानां, नौसैनिक–अन्तर–संचालनस्य, क्षमता–निर्माणस्य, च व्यापक–दक्षिण–दक्षिण–सहयोगस्य अन्तर्गतं बहुपक्षीय–संरचनासु सहयोगस्य च विशेषः केंद्रबिन्दुः अभवत्।नौसैनिकाध्यक्षस्य अयं भ्रमणः भारतीय–नौसेनाया ब्राज़ील–नौसेनया सह समुद्री–सुरक्षा–क्षेत्रे, व्यावसायिक–विनिमय–क्षेत्रे, क्षमतानिर्माणक्षेत्रे च सहयोगवर्धनप्रतिबद्धतां पुनः पुष्टिम् करोति। एतेन वैश्विक–समुद्री–क्षेत्रे स्थैर्यस्य संवर्धनं भविष्यति।

--------------

हिन्दुस्थान समाचार / अंशु गुप्ता