Enter your Email Address to subscribe to our newsletters
नवदेहली, 10 दिसंबरमासः (हि.स.)। सर्वकारेण बुधवासरे लोकसभायै अवगतं कृतम् यत् अमृत भारत स्थानक–योजना अन्तर्गतं देशव्यापि १६० रेलस्थानकानां पुनर्विकासकार्यं सम्पन्नम् अस्ति।
प्रश्नकाले तेलङ्गाण–राज्यस्य आदिलाबाद्–क्षेत्रात् भारतीय–जनता–संघस्य सदस्येन गोडम् नागेशेन यात्रिक–सुविधासम्बद्धप्रश्ने प्रस्तुतम्। तस्मिन् प्रसङ्गे रेलमन्त्री अश्विनी वैष्णवेन उक्तम् यत् देशे सप्तसहस्राधिकानि रेलस्थानकानि सन्ति, येषां श्रेणीकरणं यात्रिक–आगमन–संख्या (फुट्फॉल्), रेलयान–आवागमनं, तथा स्थानक–व्यस्तता–मानम् इत्यादीनां आधारेण एनएस्जी–१ तः एनएस्जी–६ पर्यन्तं क्रियते।
तेन अवदत् यत् प्रधानमन्त्रिणः नरेन्द्रमोदिनः प्रेरणया प्रवर्तिता अमृत भारत स्थानक योजना अद्य विश्वस्य सर्वाति–विस्तीर्णा स्थानक–पुनर्निर्माण–योजना अस्ति। अस्याम् योजनायां १३००–अधिकेषु स्थानकेषु पुनर्निर्माण–कार्यं प्रचलति, येषां मध्ये १६० स्थानकानि पूर्णतया विकसितानि सन्ति।
रेलमन्त्रिणा उक्तम्—
“पूर्वकाले केवलं रंगाई–पुताई एव स्थानक–विकासः इति मन्यते स्म। अधुना तु आगामि पञ्चाशत् वर्षाणां आवश्यकतानां विचारणेन विस्तीर्णः मास्टर–प्लानः निर्मीयते।” अस्मिन्न् मास्टर–प्लाने स्थानीय–वास्तु–शिल्पस्य समावेशनम्, उभयतः स्थानक–प्रवेशस्य सुलभता, आधुनिक–फुट्–ओवर–ब्रिज्, विस्तीर्ण–यात्रिक–मण्डपाः, वाहन–निलय–विकासः, स्थानक–अभिगमनस्य उन्नतिः च विशेषतया समाविष्टम्।
वैष्णवेन अवगतं कृतम् यत् छठ् तथा दीपावली पर्वद्वययोः अवसरयोः यात्रिक–भीमसमूहम् नियन्त्रयितुं नूतन–दिल्ली–स्थानकात् आरब्धं विस्तीर्णम् “होल्डिंग्–एरिय”–नामकं व्यवस्थापनम् ५०–६० स्थानक–यावत् विस्तारितम्, येन यात्रिकानां अत्यधिकं सुगमत्वं जातम्। अन्ते तेन बलं दत्तम्— “सर्वकारः अत्यन्तगम्भीरतया, सुव्यवस्थित–प्रयत्नैः च देशस्य रेलस्थानकानां आधुनिक–पुनर्निर्माणं प्रति कार्यरतः अस्ति, यतः यात्रिकानां सुरक्षा, सुविधा, उत्तम–यात्रा–अनुभवः च सुनिश्चितुं शक्यते।”
हिन्दुस्थान समाचार / अंशु गुप्ता