Enter your Email Address to subscribe to our newsletters
खड़गपुरम्, 11 दिसंबरमासः (हि. स.)।
भारतीयप्रौद्योगिकीनिष्ठानस्य आई आई टी खड़गपुर इति संस्थानस्य चिकित्साविज्ञानप्रौद्योगिकीविद्यालयस्य एस एम एस टी वरिष्ठसंकायसदस्यः डॉ बुधादित्य मुखर्जी इत्यस्मै यूरोपीयाणविकजीवविज्ञानसंघेन ई एम बी ओ वैश्विकअन्वेषकरूपेण चयनं कृतम्। विश्वस्य विविधानां राष्ट्राणां मध्ये चयनितेषु द्वादशेषु प्रमुखवैज्ञानिकेषु डॉ मुखर्जी नाम्नः चयनं भारतदेशस्य जीवनविज्ञानअनुसन्धानस्य अन्तरराष्ट्रीयप्रतिष्ठां नूतनैः उच्चैः स्तरैः समन्वयति।
तैः कृतम् अध्ययनं दर्शयति यत् औषधीयदबावः संक्रमिते मेजबानि लीशमेनिया नामकस्य परजीविनः अनुकूलनक्षमतां वृद्धिं करोति तस्य संक्रमणप्रवृत्तिं च परिवर्तयति। एषः अन्वेषणः औषधिप्रतिरोधस्य रोगजनकमेजबानयोः अन्तःक्रियायाश्च वैज्ञानिकज्ञानं गभीरतरं करिष्यति।
ई एम बी ओ वैश्विकअन्वेषककार्यक्रमः विश्वे उदितान् उत्तमान् अनुसन्धाननायकान् सम्मानयति, अतः एषः एकः प्रतिष्ठितः मंचः इति मान्यते। अस्मिन् वर्षे चिली, भारत, नाइजीरिया, सिंगापुर, तैवान् राष्ट्रेषु आसीनाः वैज्ञानिकाः चयनिताः, यैः कृताः अनुसन्धानविषयाः कृषौष्ण्यसहिष्णुतायाः अध्ययनात् आरभ्य समुद्रीयजीवेषु शैलकोरलनामकानां जीननियन्त्रणपर्यन्तं विस्तृताः।
वैश्विकअन्वेषकरूपेण डॉ मुखर्जी विश्वस्य 800 अधिकेषु प्रमुखवैज्ञानिकेषु वर्तमाने अन्ताराष्ट्रियसहयोगतन्त्रे सहभागी भविष्यति, संयुक्तकार्यक्रमान् प्रशिक्षणसंधीन् अनुसन्धानयात्राश्च प्राप्तुं वित्तीयसहायतां लभेत्।
ई एम बी ओ निदेशिका फियोना वाट् अवदत् यत् चयनितवैज्ञानिकानां नवोन्मेषदृष्टिः विश्वजीवनविज्ञानसमुदायं नूतनया ऊर्जा समृद्धं करिष्यति।
आई आई टी खड़गपुर संस्थानस्य निर्देशकः प्रो सुमन चक्रवर्ती अवदत्—डॉ बुधादित्य मुखर्जी यः ई एम बी ओ वैश्विकअन्वेषकरूपेण चयनितः, एतत् संस्थानस्य महान् गौरवविषयः। संक्रामकरोगजीवविज्ञानक्षेत्रे तस्य अभिनवकार्यं वैश्विकवैज्ञानिकप्राथमिकतानां अनुरूपं वर्तते। मम विश्वासः यत् तेषां अनुसन्धानं भारतस्य अन्ताराष्ट्रियवैज्ञानिकस्थितिṁ अधिकं दृढां करिष्यति।
---------------
हिन्दुस्थान समाचार