Enter your Email Address to subscribe to our newsletters
भाेपालम्, 13 दिसंबरमासः (हि.स.)। अद्य (शनिवासरे) संसद्-भवनस्थ आतंकवादी-आक्रमणस्य चतुर्विंशतितमा वार्षिकी अस्ति। संवत्सरे २००१ तमे विश्वस्य महत्तम-लोकतन्त्रस्य मन्दिरभूते संसद्-भवने आतंकवादिभिः आक्रमणं कृतम् आसीत्। अस्मिन् आक्रमणे अन्धाधुन्ध-गोलिकापातेन अनेके वीर-जवानाः शहीदाः अभवन्, ये अद्यापि श्रद्धया स्मर्यन्ते। अस्मिन् अवसरे मुख्यमन्त्री डॉ. यादवः शहीदान् स्मृत्वा विनम्रां श्रद्धाञ्जलिं समर्पितवान्।
मुख्यमन्त्री डॉ. यादवः सामाजिक-माध्यमे ‘एक्स्’ इत्यत्र स्वीय-सन्देशे अवदत्— “संसद्-भवनस्थ आतंकवादी-आक्रमणे शहीद-वीर-जवानानां प्रति सादरां श्रद्धाञ्जलिं समर्पयामि। अस्माकं पराक्रमी-सैनिकाः आक्रमणस्य मुखं त्रोटयित्वा आतंकवादिभ्यः समुचितं प्रत्युत्तरं दत्तवन्तः, तथा च तान् स्थल एव निहतवन्तः। स्वप्राणान् समर्पितवन्तः देशस्य स्वाभिमानस्य रक्षणं कृतवन्तः ये सैनिकाः, तेषां विषये देशः सदा गौरवान्वितः भविष्यति।”
---------------
हिन्दुस्थान समाचार / Dheeraj Maithani