Enter your Email Address to subscribe to our newsletters
देहरादूनम्, 13 दिसंबरमासः (हि.स.)। शनिवासरे मन्त्रिमण्डलस्य सदस्यः गणेशजोशी स्वपितुः स्वर्गीयश्यामदत्तजोशिनः स्मृत्यर्थं डोभालवालास्थिते कैप्टनप्रतीकआचार्यराजकीयमहाविद्यालये आयोजिते कार्यक्रमे सहभागी अभवत्। अस्मिन् अवसरॆ तेन विधायकनिधितः १५.६७ लक्षरूप्यकव्ययेन निर्मितस्य बास्केटबॉलक्रीडाङ्गणस्य, बास्केटबॉलस्तम्भानां तथा विद्यालये पुस्तकालयस्थापनाकार्यस्य लोकार्पणं कृतम्। सहैव विद्यालयपरिसरे कैप्टनप्रतीकआचार्यस्य प्रतिमास्थापनस्य तथा नवविद्यालयकक्षनिर्माणस्य घोषणामपि अकरोत्।
कार्यक्रमे स्वपितरं स्वर्गीयश्यामदत्तजोशिनं स्मरन् मन्त्री गणेशजोशीः भावुकः अभवत्। सः अवदत् यत् अद्य यः कश्चन जीवनस्तरः प्राप्तः, सः सर्वः पितुः प्रेरणायाः आशीर्वादस्य च परिणामः अस्ति। मन्त्री अवदत् यत् राज्यसर्वकारः शिक्षायाः सह क्रीडाविकासाय अपि समानं महत्त्वं ददाति। विद्यालयेषु उत्तमक्रीडासुविधाभिः विद्यार्थिषु अनुशासनस्य, समूहभावनायाः, नेतृत्वक्षमतायाः च विकासः भवति, यत् तेषां व्यक्तित्वनिर्माणे सहायकं सिद्ध्यति।
मन्त्री जोशी अवदत् यत् पुस्तकालयः कस्यापि शैक्षणिकसंस्थायाः आत्मा भवति, पुस्तकं च मनुष्यस्य उत्तमा सखी अस्ति। पुस्तकालयस्थापनया विद्यार्थिनां ज्ञानवर्धनं, प्रतियोगितापरीक्षासिद्धता, नियमिताध्ययनस्य अभ्यासश्च विकसितुं साहाय्यं भविष्यति। तेन शिक्षकान् अपि अनुरोधितं यत् ते छात्रान् पुस्तकालयस्य अधिकतमोपयोगाय प्रेरयेयुः। सः अपि अवदत् यत् एषः पुस्तकालयः समीपवर्तिनां जनानामपि उपयोगी भविष्यति, येन सामान्यजनाः अपि ज्ञानवर्धकपुस्तकानां लाभं प्राप्स्यन्ति।
अमरहुतात्मानं नायकं प्रतीकआचार्यं प्रणम्य मन्त्री अवदत् यत् शहीदानां नाम्ना स्थापितानां संस्थानानां विकासः अस्माकं सर्वेषां नैतिकं कर्तव्यं अस्ति। एषा न केवलं हुतात्मभ्यः सच्ची श्रद्धाञ्जलिः अस्ति, अपि तु आगामिपीढीं देशभक्तेः, सेवायाः, समर्पणस्य च मूल्यैः सह संयोजयितुं सशक्तं माध्यमं भवति।
कार्यक्रमे प्रदेशमन्त्री भाजपा नेहाजोशी, मण्डलाध्यक्षः प्रदीपरावतः, प्रधानाचार्यः सुरेन्द्रसिंहबिष्टः, वीरमाता बीना आचार्य, पार्षदः मोहनबहुगुणा, देवीदत्तजोशी, पूनमनौटियाल, सत्येन्द्रनाथः तथा बहुसंख्यकाः छात्रच्छात्राः उपस्थिताः आसन्।
-------------
हिन्दुस्थान समाचार