तेहरानम्, 13 दिसंबरमासः (हि.स.)।नोबेलशान्तिपुरस्कारेण सम्मानिता नरगिस् मोहम्मदी पुनः एकवारं गिरफ़्तारिता अभवत्। सा ईरानदेशस्य द्वितीयं महत्तरं नगरं मशहद् इत्यस्मात् शुक्रवासरे तदा गिरफ़्तारिता, यदा सा एका शोकसभायां सहभागी अभवत्। अस्य समारोहस्य एकस्मिन् दृश्यपटे सा हिजाबविहीना सती जनसमूहम् उद्दिश्य भाषमाणा तथा नारे उद्घोषयन्ती दृश्यते।

नॉर्वे देशस्य नोबेलसमितिः तस्याः गिरफ़्तारिणीम् निन्दित्वा तेहरानं प्रति आह्वानं कृतवती यत् मोहम्मदीयाः सुरक्षा सुनिश्चिता भवतु तथा सा निरुपाधिना मुक्ताः क्रियताम्।

माध्यमसमूहः ईरान् इन्टरनेशनल् इति मशहदस्य राज्यपालं हसन हुसैनीं उद्धृत्य अवदत् यत् ईरानदेशस्य पूर्वोत्तरनगरे मशहद् इत्यत्र आयोजितायां शोकसभायां सुरक्षाबलैः नोबेलशान्तिपुरस्कारेण सम्मानिता नरगिस् मोहम्मदी अन्यैः च कार्यकर्तृभिः सह हिरासतं नीताः। हुसैनी राज्यीयमाध्यमं प्रति अवदत् यत् जनसमूहस्य अनियन्त्रणीयत्वात् तथा तेषां सुरक्षां दृष्ट्वा एताः गिरफ़्तारिण्यः कृताः। प्रतिद्वन्द्वीसमूहात् सम्भाव्यसंघर्षस्य आशङ्कायाः कारणेन सुरक्षार्थमेव एषाः गिरफ़्तारिण्यः कृताः इति अपि सः अवदत्।

प्रतिवेदनानुसारं मानवाधिकारक्षेत्रस्य प्रमुखस्य दिवंगतस्य वकीलस्य खुसरो अलीकोर्डी इत्यस्य स्मृत्यर्थं आयोजितायां शोकसभायां नरगिस् मोहम्मदी उपस्थिता आसीत्। तस्य हालकाले जातायाः मृत्योः कारणात् तस्य समर्थकाः अत्यन्तं क्षुब्धाः अभवन्। अलीकोर्डी गतसप्ताहे मशहदस्थिते स्वकार्यालये संशयास्पदपरिस्थितिषु मृतः लब्धः आसीत्। तस्य समर्थकाः आधिकारिकं हृदयाघातजन्यं मृत्युवक्तव्यं प्रश्नीकृत्य तस्य मृतौ सुरक्षाबलानां संलिप्ततां आरोपयन्ति।

मृतस्य वकीलस्य भ्राता जावद् अलीकोर्डी एका श्रव्यसन्देशे आरोपं कृतवान् यत् सुरक्षाबलैः मोहम्मदी गिरफ़्तार्य नीयमाना पूर्वं ताडिता। सः अवदत् यत् सर्वाः गृहीताः व्यक्तयः मशहदे स्थिते ईरानदेशस्य रिवोल्यूशनरी गार्ड्स इत्यस्य गुप्तचरशाखया सम्बद्धे हिरासतकेन्द्रे स्थानान्तरिताः सन्ति।

त्रिपञ्चाशद्वर्षीया मोहम्मदी सन् 2024 तमे वर्षे चिकित्साकारणेन अस्थायीरूपेण मुक्तायां स्थितौ आसीत्। षट्त्रिंशत् वर्षाणि कारागारे वासं कृत्वा सा सन् 2023 तमे वर्षे नोबेलशान्तिपुरस्कारेण सम्मानिता अभवत्। राष्ट्रविरुद्धस्य षड्यन्त्रस्य तथा ईरानसर्वकारस्य विरुद्धं प्रचारप्रसारस्य आरोपेषु सा त्रयोदशवर्षाणि नवमासांश्च दण्डं भुङ्क्ते।

सा सन् 2022 तमे वर्षे महसा अमिनी इत्यस्याः मृत्युतः आरभ्य देशव्यापिनः विरोधप्रदर्शनस्य अपि दृढं समर्थनं कृतवती, यस्मिन् महिलाः हिजाबं न धारयित्वा सरकारस्य विरुद्धं सार्वजनिकतया विरोधं दर्शितवत्यः।

---------------

हिन्दुस्थान समाचार