Enter your Email Address to subscribe to our newsletters
रायपुरम्, 13 दिसंबरमासः (हि.स.)।
रायपुरनगरे होम्योपैथिक् रिसर्च् एण्ड् डेवलपमेण्ट् एसोसिएशन् रायपुर इत्यस्य आयोजनात् द्वितीयं राष्ट्रियं होम्योपैथिक् सेमिनारं डिसेम्बरमासस्य त्रयोदशदिनात् चतुर्दशदिनपर्यन्तं आयोजितं क्रियते। शनिवासरे स्वास्थ्य मन्त्री श्याम् बिहारी जायसवालः अस्य सेमिनारस्य शुभारम्भं कृतवान्। संगोष्ठ्यां होम्योपैथ्याः माध्यमेन कर्कटरोगचिकित्सायाः सम्भावनाः सहितं विविधेषु विषयेषु द्विदिनपर्यन्तं गहनं विचारविमर्शः भविष्यति।
अस्मिन् कार्यक्रमे आयुष् निदेशिका सन्तनदेवी जांगड़े, आयुष् विश्वविद्यालयस्य कुलपतिः डा पी के पात्रे, एम् ए आर् बी एच् संस्थायाः अध्यक्षः डा आनन्द चतुर्वेदी, आयुष् पञ्जीयकः डा सञ्जय शुक्लः, डा विजय शंकर मिश्रः, डा जे पी शर्मा इत्यादयः तथा प्रदेशस्य देशस्य च वरिष्ठाः होम्योपैथिक् चिकित्सकाः विशेषज्ञाश्च सम्मिलिताः अभवन्।
संगोष्ठीं सम्बोधयन् स्वास्थ्य मन्त्री श्याम् बिहारी जायसवालः अवदत् यत् आधुनिकचिकित्साक्षेत्रे भविष्ये होम्योपैथ्याः महत्त्वपूर्णं योगदानं भविष्यति। अनुभवात् ज्ञानात् च एव मनुष्यः शक्तिमान् भवति, अतः होम्योपैथ्याः युवचिकित्सकैः स्वैः वरिष्ठैः अनुभवीभ्यः चिकित्सकेभ्यः शिक्षां गृहीत्वा अस्याः विद्यायाः विस्तारः कर्तव्यः।
स्वास्थ्य मन्त्री अपि अवदत् यत् छत्तीसगढ् राज्यः अद्य स्वास्थ्यक्षेत्रे महत्केन्द्ररूपेण उदयमानः अस्ति। पूर्वं जनाः उपचारार्थं राज्यात् बहिः गच्छन्ति स्म, किन्तु अधुना प्रदेशीयासु स्वास्थ्यसेवासु जनानां विश्वासः वर्धितः अस्ति। समीपवर्तीभ्यः राज्येभ्यः अपि रोगिणः उपचारार्थं छत्तीसगढ् आगच्छन्ति। अत्र वैद्यकीय पर्यटनस्य अपाराः सम्भावनाः सन्ति, रायपुरं च विश्वस्य शीर्षदश सम्भावनायुक्तनगरेषु समाविष्टं भवति।
तेन अवगतं कृतं यत् रायपुरनगरे योगस्य तथा प्राकृतिकचिकित्सायाः महाविद्यालयः उद्घाट्यते। तथैव नवरायपुरे पञ्चसहस्रशय्यायुक्ता मेडिसिटी स्थापयितुं योजनायां कार्यं प्रचलति। सर्वकारस्य उद्देश्यं जनानां विश्वासं प्राप्तुं अस्ति, सर्वाः चिकित्सापद्धतयः समानमहत्त्वेन स्वीक्रियन्ते।
अन्ते स्वास्थ्य मन्त्री अवदत् यत् छत्तीसगढ् राज्ये होम्योपैथ्याः भविष्यं उज्ज्वलं अस्ति। सरकारः भवतां परामर्शान् श्रोष्यति तथा तान् कार्यान्वितुं सर्वसम्भवप्रयत्नान् करिष्यति।
---------------
हिन्दुस्थान समाचार