Enter your Email Address to subscribe to our newsletters
पश्चिमी सिंहभूमः, 13 दिसंबरमासः (हि.स.)।
पश्चिमसिंहभूम् जनपदस्य अण्डर १६ क्रिकेटदलस्य चयनार्थं क्रीडकानां निबन्धनप्रक्रिया मङ्गलवासरे डिसेम्बरमासस्य षोडशतमे दिने भविष्यति। एषा निबन्धनप्रक्रिया स्थानीये बिरसा मुण्डा क्रिकेट क्रीडाङ्गणे प्रातः दशवादनतः आरभ्यते।
झारखण्डराज्यक्रिकेटसंघस्य तत्वावधानात् आगामिनि जनवरीमासस्य सप्तदशतमे दिने आरभ्यमाणायां अन्तरजनपदीयायां अण्डर १६ क्रिकेटप्रतियोगितायां भागग्रहणार्थं एतत् निबन्धनं क्रियते। जनपदीयक्रिकेटसंघेन मान्यताप्राप्ताः ते क्रीडकाः, येषां जन्मदिनाङ्कः २०१० वर्षस्य सेप्टेम्बरमासस्य प्रथमदिनात् आरभ्य २०१२ वर्षस्य अगस्तमासस्य एकत्रिंशद्दिनपर्यन्तं अस्ति, ते निबन्धनप्रक्रियायां भागं ग्रहीतुं शक्नुवन्ति।
इच्छुकाः क्रीडकाः पूर्वाह्ने दशवादनतः द्वादशवादनपर्यन्तं जनपदीयक्रिकेटसंघस्य कार्यालये उपस्थित्वा निबन्धनं कारयन्तु। निबन्धनकाले छायाचित्रयुक्तः क्यूआर कोडयुक्तः पीवीसी आधारपरिचयपत्रम्, आधार अद्यतन इतिहासः, नगरपालिका अथवा अधिसूचितक्षेत्रेण निर्गतं डिजिटलं जन्मप्रमाणपत्रम्, गतत्रिषु शैक्षणिकसत्रेषु अर्थात् २०२२ २३, २०२३ २४, २०२४ २५ इत्येषु सत्रेषु मूलाङ्कपत्राणि, निरस्तचेकः तथा वर्तमानविद्यालयेन निर्गतं बोनाफाइड प्रमाणपत्रं च प्रस्तुतं करणीयम्।
निर्दिष्टप्रपत्राणाम् अभावे कस्यापि क्रीडकस्य निबन्धनं न स्वीकरिष्यते। अपि च पश्चिमसिंहभूम् जनपदस्य ये क्रीडकाः सर्वाः अर्हताः पूरयन्ति तथा च वर्तमानसत्रे जनपदीयक्रिकेटसंघस्य कस्यापि सम्बद्धएककस्य अन्तर्गतं न निबद्धाः सन्ति, ते निर्धारितशुल्कं समर्प्य निबन्धनं कर्तुं शक्नुवन्ति।
शनिवासरे जनपदीयक्रिकेटसंघेन पात्रक्रीडकान् प्रति आह्वानं कृतंयत् ते निर्धारिततिथौ निर्धारितसमये च उपस्थित्वा निबन्धनप्रक्रियां पूर्णां कुर्वन्तु।
---------------
हिन्दुस्थान समाचार