Enter your Email Address to subscribe to our newsletters
वर्धमानं राजस्थानम्- अस्माकं राजस्थानमित्यस्य जोधपुर जिला स्तरीय कार्यक्रमस्य आयोजनम्
जोधपुरम्, 13 दिसम्बरमासः (हि.स.)।राज्यसर्वकारस्य द्विवर्षीयकार्यकालस्य पूर्त्यवसरे शनिवासरे जोधपुरनगरे मुख्यालयपरिसरे जिलास्तरीयः कार्यक्रमः “वर्धमानं राजस्थानम्–अस्माकं राजस्थानम्” (विकासरथानां प्रस्थानम्) तथा च मार्गसुरक्षाजागरूकताभियानं भव्यतया आयोजितम्। अस्मिन् कार्यक्रमे संसदीयकार्यविधि-विधिककार्य-विधिपरामर्शी-न्यायविभागस्य मन्त्री जोगारामपटेलः उपस्थितजनान् मार्गसुरक्षायाः शपथं ग्राहयामास।
पटेलः माध्यमैः सह संवादं कृत्वा सामान्यजनान् यातायातनियमानां पालनाय आह्वानं कृतवान्। कार्यक्रमकाले संसदीयकार्य मन्त्री जोगारामपटेलः, लोकसभासांसदः पाली पी.पी. चौधरी, सूरसागरविधायकः देवेन्द्रजोशी, नगरविधायकः अतुलभंसाली, बिलाड़ाविधायकः अर्जुनलालगर्गः, राजेन्द्रपालीवालः, त्रिभुवनसिंहभाटी, ज्योतिज्याणी च दिव्याङ्गविद्यार्थिभ्यः शिरस्त्राणानि (हेलमेट्) वितरितवन्तः। अस्मिन् अवसरे जनप्रतिनिधिभिः मार्गसुरक्षा जीवनरक्षणस्य सशक्तं साधनम् इति निर्दिश्य जागरूकतावर्धने विशेषः बलः दत्तः।
कार्यक्रमे आगतान् सर्वान् जनप्रतिनिधीन् प्रति, जनपदस्य अष्टानां विधानसभानां विकासरथानां (एलईडी चलद्वाहनानाम्) विधिवत् पूजनं कृत्वा हरितध्वजप्रदर्शनेन तेषां प्रस्थानं कृतम्। ढोलथालीनां मङ्गलनादैः, आकर्षकरङ्गोलिवर्णैः अलङ्कृते परिसरे विकासरथाः प्रेषिताः। एते विकासरथाः सर्वेषु विधानसभाक्षेत्रेषु गत्वा राज्यसरकारस्य जनकल्याणकारीयोजनानां, विकासकार्यक्रमाणां, उपलब्धीनां च व्यापकं प्रचारप्रसारं करिष्यन्ति।
एतस्मिन्नेव क्रमे परिवहनविभागस्य वाहनरैली अपि ध्वजप्रदर्शनेन आरब्धा। सा रैली निश्चितमार्गानुसारं कलक्ट्रेटपरिसरात् नवसड़क, पुरीतिराहा, रेल्वेस्थानक, ओलम्पिकचतुष्पथ, जालोरीगेट इत्यादीन् अतिक्रम्य सहकारभवने समाप्ता। कार्यक्रमस्य अनुक्रमे जनप्रतिनिधिभिः परिवहनविभागस्य जागरूकतारथः अपि हरितध्वजप्रदर्शनेन प्रेषितः।
जिलास्तरीयकार्यक्रमे सम्भागीयायुक्ता प्रतिभासिंह, जिलाधिकारी गौरवअग्रवालः, जिलापरिषदः मुख्यकार्यकारीअधिकारी आशीषकुमारमिश्रः, अपरजिलाधिकारी (प्रथम) जवाहरचौधरी सहितं अन्ये वरिष्ठाः अधिकारिगणश्च अपि उपस्थिताः आसन्।
हिन्दुस्थान समाचार