Enter your Email Address to subscribe to our newsletters
रायपुरम्, 13 दिसंबरमासः (हि.स.)।
प्रदेशस्य कृषकाणां सुविधां दृष्ट्वा तूहर् टोकन् नाम मोबाइल् अनुप्रयोगः इदानीं सर्वदा अर्थात् अहोरात्रं उद्घाटितः कृतः अस्ति। अधुना मोबाइल् अनुप्रयोगेन टोकन् ग्रहणाय कस्यापि निश्चितसमयस्य बाध्यता न भविष्यति। कृषकाः दिनरात्रं यदा कदा च स्वसुविधानुसारं टोकन् आरक्षितुं शक्नुवन्ति।
अधुना कृषकाः जनवरीमासस्य त्रयोदशदिनपर्यन्तं आगामि विंशतिदिनानां कृते टोकन् ग्रहीतुं शक्नुवन्ति। अनेन कृषकाणां धान्यविक्रयस्य योजनां कर्तुं तथा टोकन् प्राप्तुं पर्याप्तः समयः लभ्यते, येन च भीडस्य तथा तन्त्रज्ञानसम्बद्धस्य दबावस्य समस्यायाः निवारणं भविष्यति।
तदनन्तरं राज्यसरकारया द्वौ एकडौ अथवा तस्मात् न्यूनं क्षेत्रफलम् आसाद्य कृषकाणां कृते जनवरीमासस्य एकत्रिंशद्दिनपर्यन्तं तूहर् टोकन् अनुप्रयोगेन टोकन् ग्रहणस्य अनुमतिः प्रदत्ता अस्ति। मुख्यमन्त्री विष्णुदेवसायस्य निर्देशेन लघुकृषकाणां कृते एषा सुविधा उपलब्धा कृता अस्ति। अत्र अवधेयं यत् टोकनानि प्रत्येकसहकारिसमितये आबंटितायाः सीमायाः अन्तर्गतमेव निर्गमिष्यन्ति। कृषकान् प्रति निवेदनं क्रियते यत् ते समये एव तूहर् टोकन् अनुप्रयोगेन टोकन् प्राप्य कस्यापि असुविधायाः परिहारं कुर्वन्तु।
मुख्यमन्त्री विष्णुदेवसायः अवदत् यत् कृषकाणां सुविधा तथा पारदर्शी व्यवस्था अस्माकं सरकारस्य सर्वोच्चा प्राथमिकता अस्ति। तूहर् टोकन् अनुप्रयोगं सर्वदा उद्घाटयितुं तथा समयबाध्यतां निवर्तयितुं यः निर्णयः कृतः सः अस्यैव चिन्तनस्य परिणामः अस्ति। अधुना कृषकाः कस्यापि दबावं विना स्वसुविधानुसारं टोकन् आरक्षितुं शक्नुवन्ति। द्वौ एकडौ अथवा तस्मात् न्यूनक्षेत्रफलधारिणां कृषकाणां कृते टोकन इत्यस्य अतिरिक्तकालसीमा तथा अवधिविस्तारः वास्तवतया कृषकानां महतीं राहतिं दास्यति। राज्यसरकारः कृषकहिते सर्वसम्भवेषु उपायेषु निरन्तरं प्रतिबद्धा अस्ति।
---------------
हिन्दुस्थान समाचार