Enter your Email Address to subscribe to our newsletters
उज्जैनम्।, 14 दिसंबरमासः (हि.स.)।
मध्यप्रदेशस्य उज्जयिनीनगरे रविवासरे सोमनाथस्य पुरातात्त्विकावशेषैः निर्मितयोः द्वयोः दिव्ययोः शिवलिङ्गयोः विश्वप्रसिद्धे महाकालेश्वरमन्दिरे आगमनं जातम्। आर्ट् ऑफ् लिविङ्ग् संस्थायाः मुख्यालयात् बेंगलुरुनगरात् भगवान् सोमनाथस्य पुरातात्त्विकैः एकादशभिः अवशेषैः निर्मितौ द्वौ विशेषौ शिवलिङ्गौ महाकालेश्वरमन्दिरे भगवान् महाकालेश्वरस्य भोगारत्यां समर्पितौ। आरत्यनन्तरं तयोः उभयोः शिवलिङ्गयोः गर्भगृहे विधिवत् पूजनं कृतम्।
तत्पश्चात् उभौ शिवलिङ्गौ जूना महाकालमन्दिरस्य परिसरें किञ्चित्कालं दर्शनार्थिनां दर्शनाय स्थापितौ।
आर्ट् ऑफ् लिविङ्ग् संस्थायाः निर्देशकः दर्शक् हाथी तथा मध्यप्रदेशयात्राप्रभारी मनीष् सोनी अवदताम् यत् धार्मिकमान्यतानुसारं सत्ययुगे चन्द्रदेवेन निर्मितस्य सोमनाथमन्दिरस्य शिवलिङ्गः आततायिना महमूद् गजनीना कृतस्य आक्रमणस्य अनन्तरं खण्डितः अभवत्। अग्रिहोत्रिपुरोहितैः तैः खण्डितावशेषैः एकादश लघूनि वाणशिवलिङ्गानि निर्माय पीढ्याः अनुगतं गुप्तरूपेण तेषां पूजनं कृतम्।
ईसवीयसंवत् 1924 तमे वर्षे काञ्चीशङ्कराचार्यस्य निर्देशानुसारं शतवर्षानन्तरं संरक्षकपुरोहितः सीतारामशास्त्री एतानि शिवलिङ्गानि आर्ट् ऑफ् लिविङ्ग् संस्थायाः संस्थापकाय श्रीश्रीरविशङ्कराय समर्पितवान्। तदनुक्रमेण एतेषां सर्वेषां शिवलिङ्गानां भारतभ्रमणं क्रियते। एतेषु द्वौ शिवलिङ्गौ मध्यप्रदेशे दर्शनभ्रमणार्थं आनीतौ, येषां भ्रमणस्य आरम्भः रविवासरे महाकालेश्वरमन्दिरात् कृतः।
महाकालेश्वरमन्दिरप्रबन्धसमित्याः तर्फेण महानिर्वाणीअखाडस्य महन्तः विनीतगिरिमहाराजः तथा सहायकप्रशासकः आशीष् फलवाडिया च यात्रायां सम्मिलितानां सर्वेषां सदस्याणां हार्दिकं स्वागतं कृतवन्तौ।
---------------
हिन्दुस्थान समाचार