Enter your Email Address to subscribe to our newsletters
जयपुरम्, 14 दिसंबरमासः (हि.स.)।
राजस्थानराज्यशासनस्य द्विवर्षपूर्तेः उपलक्ष्येण तथा जनस्वास्थ्यस्य सुदृढीकरणस्य उद्देश्येन जिलायां सोमवासरे आरोग्यशिविराणाम् आयोजनं भविष्यति। एतानि आरोग्यशिविराणि जिल्लायां स्थितेषु सर्वेषु जिला उपजिला सैटेलाइट् सीएचसी पीएचसी यूपीएचसी तथा उपस्वास्थ्यकेन्द्रेषु आयोजितानि भविष्यन्ति।
सीएमएचओ प्रथमः डॉ रविशेखावतः तथा सीएमएचओ द्वितीयः डॉ मनीषमित्तलः अवदताम् यत् राजस्थानराज्यशासनस्य द्विवर्षपूर्तेः उपलक्ष्येण सोमवासरे आयोजितेषु आरोग्यशिविरेषु जिलास्थितेषु चिकित्सासंस्थानेषु रक्तदानशिविराणाम् अपि आयोजनं करिष्यते। तत्र च त्रिंशद्वर्षाधिकवयस्कानां सर्वेषां व्यक्तीनां स्वास्थ्यपरीक्षणं कर्तुं स्क्रीनिङ्ग् क्रिया संपाद्यते। आयुष्मान् आरोग्यमन्दिरेषु तथा चिकित्सासंस्थानेषु आगतानां त्रिंशद्वर्षाधिकवयस्कानां सर्वेषां व्यक्तीनां बीएमआई बीपी शर्करापरीक्षा तथा सामान्यकर्करोगपरीक्षा कृत्वा तेषां विवरणं ऑनलाइन पटले अभिलेख्यते। बीपी तथा शर्करापरीक्षायां सकारात्मकाः अभिहिताः रोगिणः फॉलोअप् आगत्य नियमानुसारं चिकित्सां प्राप्स्यन्ति।
ताभ्यां उक्तं यत् जिलायां आयोजितेषु आरोग्यशिविरेषु टीबी मुक्त भारत अभियानस्य अन्तर्गतं क्षयरोगस्य सम्भावितलक्षणयुक्तानां रोगिणां पहचानं कृत्वा तेषां उपचारः क्रियते। क्षयरोगिणां कृते दानदातृभिः स्वयंसेवीसंस्थाभिः अन्यैश्च (निक्षयमित्रैः) पोषणकिट् वितरणं अपि करिष्यते। शिविराणां सफलतायै सर्वेभ्यः ब्लॉकमुख्यचिकित्साधिकरिणः निर्देशिताः सन्ति यत् ते स्वस्वक्षेत्रेषु आयोजितानां शिविराणां व्यापकं प्रचारप्रसारं कुर्वन्तु, येन अधिकाधिकाः जनाः स्वास्थ्यलाभं प्राप्नुयुः।
आरोग्यशिविरप्रभारी आरसीएचओ प्रथमः डॉ आशामीणा तथा आरसीएचओ द्वितीयः डॉ प्रमिलामीणा अवदताम् यत् शिशूनां टीकाकरणेन सह सर्वासां गर्भवतीनां महिलानां द्वादशसप्ताहात् पूर्वं पञ्जीकरणं प्रसवपूर्वं चतुर्षु अवसरेषु परीक्षणं हिमोग्लोबिन् रक्तचापादीनां च जाँचाः सुनिश्चिताः करिष्यन्ति। तासां च उत्तमस्वास्थ्याय जीवनशैलीपरिवर्तनसम्बद्धं आवश्यकं परामर्शोऽपि प्रदास्यते।
---------------
हिन्दुस्थान समाचार