- लिम्का बुक रिकॉर्डदलस्य निरीक्षणे 7निमेषोत्तर 26 सेकेंडमध्ये पक्वं सैंडविच भोपालम्, 14 दिसंबरमासः (हि.स.)।मध्यप्रदेशराज्यस्य राजधानी भोपालनगरे स्थितेन होटलप्रबन्धनसंस्थानेन विश्वस्य दीर्घतमः सैण्डविच इत्येतत् निर्माय इतिहासः रचितः।मध्यप्रदेशराज्यस्य राजधानी भोपालनगरे पर्यटनमन्त्रालयस्य अधीनस्थेन होटलप्रबन्धनसंस्थानेन (इन्स्टीट्यूट् आफ् होटल् मैनेजमेण्ट्–आईएचएम) रविवासरे स्वपरिसरे विश्वस्य दीर्घतमं सैण्डविचं निर्माय ऐतिहासिकं कीर्तिमानं स्थापितम्। संस्थायाः सप्ततिः-अशीतिः छात्रैः तथा कर्मचारिभिः युक्तया एकया संयुक्तया दलरूपेण २६९.९ पाददीर्घं तथा प्रायः अष्टाङ्गुलमितं विस्तृतं सैण्डविच इत्येतत् निर्मितम्। एतत् सैण्डविचं केवलं ७ निमेषोत्तर २६ क्षणात्मके अल्पे काले एव सिद्धीकृतम्।

रविवासरे लिम्का बुक् आफ् वर्ल्ड् रेकॉर्ड्स् संस्थायाः दलस्य साक्षित्वे सम्पूर्णः कार्यक्रमः सम्पन्नः, तथा कीर्तिमानः अधुना औपचारिकतया अभिलेखितः अस्ति। अनेन पूर्वं विद्यमानः २२३ पाददीर्घस्य सैण्डविचस्य कीर्तिमानः आसीत्, यं भोपालस्थितः आईएचएम संस्थानः अधुना अतिक्रान्तवान्। भोपालनगरे जनाः स्वनेत्राभ्यां २६९.९ पाददीर्घं सैण्डविचं निर्मीयमानं दृष्टवन्तः, यत् अत्यन्तं अद्भुतं दृश्यं आसीत्।

आईएचएम संस्थानेन अयं विशेषः प्रयासः शतप्रतिशतम् शून्य-अपशिष्ट (Zero Waste) मॉडल् आधारेण कृतः। योजनानिर्माणात् आरभ्य सैण्डविचवितरणपर्यन्तं किमपि खाद्यद्रव्यं व्यर्थं न अभवत्। यथार्थमात्रानुमानम्, चरणबद्धरूपेण ब्रेडनिर्माणम्, प्रत्यक्षसंयोजनम्, तथा निरन्तरं निरीक्षणम्—एतेषां माध्यमेन कस्यापि खाद्यसामग्रीस्य अपव्ययः न जातः इति सुनिश्चितं कृतम्।

आईएचएम भोपालस्य प्राचार्यः डा रोहितसरीनमहाशयः अवदत् यत् एषः प्रयोगः केवलं नगरस्य न, अपि तु सम्पूर्णदेशस्य कृते अपि विशेषमहत्त्वपूर्णः अस्ति। सैण्डविचनिर्माणार्थं त्रिशतपाददीर्घा मेजः स्थापिता। अस्मिन् प्रयोजने चतुर्विंशताङ्गुलदीर्घाः ब्रेडखण्डाः विशेषरूपेण निर्मिताः, तथा भोज्य-ग्लू (edible glue) साहाय्येन संयोजिताः, येन २६९.९ पाददीर्घः समरूपः ब्रेडखण्डः सिद्धः।

एतादृशे विशालसैण्डविचे स्वादस्य तथा गुणवत्तायाः संरक्षणम् अपि महती चुनौती आसीत्। तदर्थं सर्वाः शाकसामग्र्यः समानरूपेण छिन्नाः, एकैव विधिः (रेसिपी) तथा समानानि द्रव्याणि उपयुज्यन्ते स्म। अस्मिन् सैण्डविचे त्रयः प्रकाराः लेट्यूस्, कैप्सिकम्, त्रयः प्रकाराः बेल्-पेपर्, ओलिव्स्, जलेपिनो, तथा पञ्च-षट् प्रकाराः स्प्रेड्स् उपयोजिताः। आयोजकैः एषः कीर्तिमानः विश्वे अद्वितीयः तथा विशेषः इति दावः कृतः।

डा सरीनमहाशयः अवदत् यत् अस्य उपक्रमस्य उद्देश्यः केवलं कीर्तिमाननिर्माणं न आसीत्, अपि तु छात्रेषु तथा अध्यापकवर्गे अपि आत्मविश्वासनिर्माणम्, येन ते असम्भवप्रायं कार्यमपि साधयितुं समर्थाः भवेयुः। एषः प्रयोगः छात्राणां व्यावसायिकस्तरे कार्यानुभवं दत्त्वा तेषां आत्मविश्वासं वर्धितवान्। तस्य मतानुसारं दलकार्यं (Teamwork) विना एतादृशः उपक्रमः कदापि सम्भवः न भवति।

अस्य कीर्तिमानस्य कृते द्वौ मासौ यावत् निरन्तरं पूर्वतैयारी कृता। एषः “फील् गुड् फैक्टर्” छात्राणां सृजनात्मककौशलं नवदिशां प्रदास्यति तथा दलकार्यभावनां सुदृढां करिष्यति।

डा सरीनमहाशयः अवदत् यत् पाककला केवलं व्यवसायः न, अपि तु सेवायाः माध्यमम् अस्ति। आतिथ्यउद्योगे अतिथिः देवतासमः मन्यते, तथा सेवायाः अवसरः एव परमं सौभाग्यम्। एतादृशी भावना छात्रेषु विकसितुं एते कार्यक्रमाः आयोज्यन्ते।

लिम्का बुक् आफ् वर्ल्ड् रेकॉर्ड्स् संस्थायाः दलः सम्पूर्णस्य कार्यक्रमस्य व्यवस्थापनं कृत्वा सम्पूर्णप्रक्रियायाः वीडियो-चित्रणम् अपि अकरोत्। प्राचार्यस्य कथनानुसारं कीर्तिमानः अद्य अभिलेखितः अस्ति, परन्तु अन्तिमस्वीकृत्यर्थं द्वौ-अर्धमासौ यावत् कालः अपेक्षितः।

उल्लेखनीयं यत् डा रोहितसरीनमहाशयः स्वयमेव आईएचएम भोपालस्य पूर्वछात्रः अस्ति। सः १९९४ तमे वर्षे अत्रैव अध्ययनं समाप्य, अद्य तस्मिन्नेव संस्थाने प्राचार्यरूपेण कार्यं करोति। तस्य मतानुसारं छात्राणां स्वमहाविद्यालयस्य इतिहासेन तथा उपलब्धिभिः सह सम्बन्धः अत्यावश्यकः अस्ति। अनेन पूर्वमपि आईएचएम भोपालेन १०० पाददीर्घं तथा २२३ पाददीर्घं सैण्डविचं निर्माय लिम्का बुक् आफ् रेकॉर्ड्समध्ये नामाङ्कनं कृतम्।

________________

हिन्दुस्थान समाचार