Enter your Email Address to subscribe to our newsletters
वाराणसी, 14 दिसंबरमासः (हि. स.)।मातृभूमि सेवा संस्थायाः अथकप्रयत्नैः निर्मितस्य क्रांतिकारी पञ्चाङ्गस्य 2026 वर्षस्य लोकार्पणं आगामी एकोनविंशतितमे दिसम्बरमासे दिवाकाले भविष्यति। नगरस्य जगतगंज कोठी प्राङ्गणे अपराह्णे द्विवादने आयोज्यमाणे अस्मिन् लोकार्पणकार्यक्रमे इन्दिरा गांधी राष्ट्रिय कला केन्द्रस्य अध्यक्षः पद्मभूषण रामबहादुर रायः, इतिहासविद् डॉ हामिद अफाक कुरैशी तथा प्रदेशसरकारस्य स्टाम्प एवं न्यायालय शुल्क तथा पंजीयन राज्यमन्त्री स्वतंत्रप्रभारः रविन्द्र जायसवालः उपस्थिताः भविष्यन्ति।
स्वातन्त्र्यसंग्रामे महत्त्वपूर्णां भूमिकां निर्वहणीयस्य बनारस राजपरिवारस्य बाबू जगत नारायणस्य वंशजः प्रदीप नारायण सिंहः रविवासरे अवदत् यत् सांस्कृतिक एवं आध्यात्मिक मूल्यैः पावना नगरी, ब्रिटिश साम्राज्यस्य विरुद्धं क्रान्तेः शंखनादं कृतवती ऐतिहासिकी नगरी बनारसात् स्वातन्त्र्यसंग्रामे ज्ञातान् अज्ञातान् च अमरक्रान्तिकारिणः प्रति एतत् क्रांतिकारी पञ्चाङ्गं 2026 समर्पितम् अस्ति।
अस्य पञ्चाङ्गस्य द्वौ पृष्ठौ बाबू जगत नारायणस्य क्रांतिकारी गाथायां आधारितौ स्तः। अस्मिन् पञ्चाङ्गे सन् 1799 तमे वर्षे जातानां क्रांतिकारी निर्णयानां तथा सिद्धतानां सारः अपि उपलब्धः अस्ति।
---------------
हिन्दुस्थान समाचार