मुख्यमन्त्री डॉ. यादवः आगर-नगरे आयोजिते सामूहिक-विवाह-कार्यक्रमे ५५१ युगलेभ्यः वीसी-माध्यमेन शुभाशयाः प्रेषितवान्।

भोपालम्, 14 दिसम्बरमासः (हि.स.) । मध्यप्रदेशस्य मुख्यमन्त्री डॉ. मोहन यादवः रविवासरे आगर-मण्डी-प्राङ्गणे सप्तपदिबन्धनेन बद्धानां सर्वेषां ५५१ युगलानां, विधायक मधु गहलोतस्य पुत्रं मोहितसिंहं गहलोतं तस्य च पुत्रवधूं समावेश्य, इन्दौरस्थितात् ब्रिलिएण्ट् कन्वेन्शन् सेण्टरात् दूरदर्शन-सम्मेलन (वीडियो कॉन्फ्रेंसिंग) माध्यमेन उज्ज्वल-भविष्याय शुभाशयान् प्रेषितवान्।

मुख्यमन्त्री डॉ. यादवः अवदत् यत् प्रधानमन्त्रिणा नरेन्द्रमोदिना प्रतिपादितस्य “सबका साथ, सबका विकास” इति मूलमन्त्रस्य अनुरूपं सामूहिक-विवाह-कार्यक्रमः सर्वेषाम् अभिभावकानां विवाह-आयोजन-स्वप्नं साकारयितुं सहायकः अस्ति। मुख्यमन्त्री डॉ. यादवः एतज्ज्ञात्वा हर्षं व्यक्तवान् यत् विधायकः मधु गहलोतः अधुनापर्यन्तं १०,००० कन्यानां विवाहेषु सहयोगं कृतवान्। सः विधायकस्य गहलोतस्य पुत्रात् मोहितसिंहात् गहलोतात् अपेक्षां व्यक्तवान् यत् सः स्वपितुः समाजसेवा-कार्यं अग्रे नयिष्यति। तेन एतस्मिन् शुभावसरे दादा नर्सिंग फाउण्डेशनस्य प्रयत्नानां प्रशंसा कृता, तथा बाबा बैद्यनाथस्य भूमौ आयोजितस्य अस्य मङ्गल-कार्यस्य कृते शुभाशयाः अपि अर्पिताः।

हिन्दुस्थान समाचार / Dheeraj Maithani