वाराणस्याः वीथीषु ‘जय श्रीरामः’, ‘हर हर महादेवः’, ‘वन्दे मातरम्’ इत्येषां घोषाणां गुञ्जा आसीत्।

वाराणसी, 14 दिसंबरमासः (हि.स.)। राष्ट्रीयस्वयंसेवकसंघस्य (आरएसएस) शताब्दीवर्षे रविवासरे उत्तरप्रदेशस्य वाराणस्यां तेलियाना–आदमपुर–प्रदेशात् प्रभातफेरीं निष्कास्य रामनामसङ्कीर्तन–हिन्दूसम्मेलनाय आमजनान् आमन्त्रितम्।

हनुमानबस्ती–ओंकारेश्वरनगरस्य तत्वावधाने तेलियानास्थित–श्रीरामजानकीमन्दिरस्य समीपे समागताः स्वयंसेवकाः तथा स्थानीयाः युवजनाः ‘जय श्रीरामः’, ‘हर हर महादेवः’, ‘वन्दे मातरम्’ इति उद्घोषं कृत्वा प्रभातफेरीं निष्कासितवन्तः। प्रभातफेर्यां सम्मिलिताः युवजनाः ढोलकवाद्यस्य ताडनेन, झाल–मञ्जीरयोः झङ्कारयुक्तेन ‘श्रीराम—जय राम, जय—जय राम’ इति कीर्तनं कुर्वन्तः सञ्चरन्ति स्म।

प्रभातभ्रमणे हनुमानफाटकं, बलुआबीरं, अम्बियामण्डीस्थितं श्रीशीतलामातृमन्दिरं च प्राप्य, श्रीरामरक्षास्तोत्रस्य तथा हनुमानचालीसायाḥ पाठानन्तरं समाप्ता अभवत्।प्रभातभ्रमणस्य (हनुमानबस्ती) संयोजकस्य सन्दीपसिंहस्य अनुसारम्, संघस्य शताब्दीवर्षस्य उपलक्ष्ये बस्ती–मुहल्लास्तरे आयोज्यमानस्य हिन्दूसम्मेलनस्य कृते सनातनधर्मावलम्बिनः प्रभातफेर्याः माध्यमेन आमन्त्रिताः। २१ दिसम्बर–तिथौ अपराह्णे १ वादनतः बलुआबीरे हिन्दूसम्मेलनम् आयोजितम् अस्ति।

प्रभातभ्रमणे विष्णुदासः, केवलकुशवाहा, सन्तोषसाहुः, दयाशङ्करत्रिपाठी, नारायणकेशरी, नवीनवर्मा, रूपेशवर्मा, दीपककुशवाहा, जितेन्द्रः, राजेशः, रामेश्वरः, चन्द्रभूषणः, सत्यप्रकाशः, मदनः, अवधेशः इत्यादयः पूर्णोत्साहेन सहभागितां कृतवन्तः।

हिन्दुस्थान समाचार / Dheeraj Maithani