Enter your Email Address to subscribe to our newsletters
देहरादूनम्, 14 दिसंबरमासः (हि. स.)।जनपदे विद्यमानानां महाबकायेदातॄणां विरुद्धं सञ्चालितस्य जिला प्रशासनस्य विशेषाभियानस्य अन्तर्गतं अधुना सुभारतीसमूहस्य विरुद्धं लंबितबकायाराशेः वसूल्यर्थं कुर्कीप्रक्रिया आरब्धा अस्ति। प्रशासनद्वारा सुभारतीसमूहाय सप्ताशीतिः दशांशपञ्चाशत् (87.50) कोटिरूप्यकाणां बकायावसूल्यर्थं सूचना प्रेषिता अस्ति। सह एव सर्वासु तहसीलासु विद्यमानानां बकायेदाराणां सूची निर्माणार्थं अधिकारिणः निर्देशिताः सन्ति।
जिलाधिकारी सविन बंसलः सुभारतीसमूहात् बकायाराजस्ववसूलिं सुनिश्चितुं सम्बन्धितान् अधिकारिणः शीघ्रकार्यवाह्यर्थं निर्देशान् दत्तवान्। जिला प्रशासनस्य कथनम् अस्ति यत् भविष्ये अपि कश्चन महाबकायेदारः वा लघुबकायेदारः वा यदि बकायाराशिं न समर्पयति, तर्हि सः कानूनीकार्यवाह्याः लाभं न प्राप्स्यति।
जिलाधिकारी सर्वान् उपजिलाधिकारिणः स्वस्वतहसीलाक्षेत्रेषु दीर्घकालात् देयराशिं न समर्पितवन्तः अथवा जानबूझकर भुगतानात् पलायमानाः ये लघवः महान्तश्च बकायेदाराः सन्ति, तेषां सूची निर्माणं कर्तुं निर्देशितवान्। तेषां विरुद्धं विशेषवसूलीअभियानं सञ्चाल्य शीघ्रतया वसूली सुनिश्चितीकरणीयम् इति अपि आदेशितम्। सः अवदत् यत् राजस्वहानिः कस्यचित् प्रकारेण अपि स्वीकार्या नास्ति।
अतः सर्वे राजस्वाधिकारिणः बकायेदाराणां विस्तृतां विवरणप्रतिवेदनं त्वरितं सज्जीकर्तुं, प्राथमिकताक्रमेण महाबकायेदाराणां विरुद्धं कार्यवाहीं कर्तुं, तथा निरन्तरानुवर्तनं कृत्वा वसूल्याः दैनिकप्रगतिप्रतिवेदनं प्रस्तुतुं निर्देशिताः सन्ति।
जिला प्रशासनद्वारा सुभारतीसमूहस्य विरुद्धं वसूलीसूचनां दत्त्वा कुर्कीप्रक्रिया अपि आरब्धा अस्ति। अस्यां कार्यवाह्यां जनपदे राजस्ववसूलिः शीघ्रतां प्राप्स्यति। जिलाधिकारीद्वारा निर्गतस्य कुर्कीवारण्टस्य माध्यमेन स्पष्टं कृतं यत् पुनःपुनः सूचना प्रदानेऽपि भुगतानाभावे एषः कठोरः निर्णयः स्वीकृतः। अस्याः प्रक्रियायाः अन्तर्गतं आगामिदिनेषु संस्थानस्य बैंकखातस्य सीलनं तथा सम्पत्तेः कुर्कीकरणं अपि कर्तुं शक्यते।
वस्तुतः राज्यस्य चिकित्साशिक्षानिदेशकः सुभारतीसंस्थानात् पूर्णवसूलीकरणस्य अनुशंसां जिलाधिकारी समक्षं कृतवान् आसीत्।
हिन्दुस्थान समाचार