Enter your Email Address to subscribe to our newsletters
फर्रुखाबादम्।
उत्तरप्रदेशराज्यस्य फर्रुखाबादजनपदे सामाजिकसाहित्यिकसांस्कृतिकसंस्थायाḥ दीप इत्यस्य सप्तमवार्षिकोत्सवः रविवासरे जानकीभवनस्थितायां खत्रीधर्मशालायां भव्येन काव्यसमारोहेण सम्मानसमारोहेण च सम्पन्नः। कार्यक्रमस्य अध्यक्षतां डॉ शिवओम अम्बरः अकरोत् तथा कार्यक्रमसञ्चालनं महेशपालसिंह उपकारी महोदयेन कृतम्।
कार्यक्रमे समाजसेवीसम्मानः अनिलप्रतापसिंहाय प्रदत्तः, शिक्षके सम्मानः श्रीमती दीपिकाराजपूताय प्रदत्तः, चिकित्सासम्मानः डॉ अरविन्दगुप्ताय प्रदत्तः, स्वर्गीयजगदीशनारायणटण्डनसम्मानः महेशपालसिंह उपकारी महोदयाय प्रदत्तः, तथा दीपशिखासम्मानः श्रीमती प्रीतीपवनतिवारी महोदयायै समर्पितः।
अस्यैव अवसरस्य प्रसङ्गे रामशङ्कर अवस्थी अबोधः, नलिनश्रीवास्तवः, उपकारमणि उपकारः, स्मृति अग्निहोत्री, निमिष टण्डनः, डॉ गरिमा पाण्डेयः, वैभव सोमवंशी, विशालश्रीवास्तवः च काव्यपाठं कृत्वा संस्थायै आशीर्वचनानि अददुः तथा भविष्ये संस्थापकाध्यक्षं निमिषटण्डनं उत्कृष्टकार्येषु निरन्तरं प्रवर्तितुं प्रेरितवन्तः।
कार्यक्रमे मुख्यातिथिः डॉ राजकुमारसिंहः संस्थायाः भूरि भूरि प्रशंसां कृत्वा कृतज्ञतां प्रकटितवान्। अध्यक्षीयोक्तौ डॉ शिवओम अम्बरः अवदत् यत् अस्य संस्थायाः भविष्यं उज्ज्वलं भवतु, सा साहित्यिकसेवायां सदा अग्रसराः भवतु तथा सामाजिककार्येषु प्रेरणास्रोतः अस्तु।
अस्मिन् अवसरे राजगौरवपाण्डेयः, प्रमोददीक्षितः, अवधेशदुबेः, रामबाबूमिश्ररत्नेशः, जवाहरसिंहगंगवारः, हरिभानसिंहगहरवारः, अशोकमिश्रः, भानुश्च इत्यादयः उपस्थिताः आसन्। अन्ते संस्थायाः अध्यक्षः निमिषटण्डनः सर्वेभ्यः धन्यवादं कृत्वा कृतज्ञतां व्यक्तवान्।
---------------
हिन्दुस्थान समाचार