Enter your Email Address to subscribe to our newsletters
नवदेहली, 14 दिसंबरमासः (हि. स.)। उपराष्ट्रपतिः सी. पी. राधाकृष्णनः रविवासरे उपराष्ट्रपति-निवासपरिसरे सम्राट् पेरुम्बिदुगु मुथरैयार द्वितीयस्य (सुवर्ण मारन्) सम्मानार्थं स्मारक-डाक-टिकटं विमोचितवान्। अस्मिन् अवसरि केन्द्रीय-वित्त-निगमविषयक-मन्त्री निर्मला सीतारमणः, राज्यसभायाः उपसभापतिः हरिवंशः, सूचना-प्रसारण तथा संसदीय-कार्यविषयक केन्द्रीय-राज्यमन्त्री डॉ. एल्. मुरुगनः च उपस्थिताः आसन्।
सम्राट् पेरुम्बिदुगु मुथरैयार द्वितीयस्य (सुवर्ण मारन्) सम्मानार्थं स्मारक-डाक-टिकटं विमोचयन् उपराष्ट्रपतिः अवदत् यत् एषः उपक्रमः सर्वकारेण गुमनामानां तमिल-राजानां तथा स्वातन्त्र्यसेनानां मान्यताप्रदानार्थं क्रियमाणानां प्रयत्नानां अंशः अस्ति। सः अवदत् यत् तमिलनाडोः विविधेषु स्थानेषु प्राप्ताः शिलालेखाः सम्राटस्य मन्दिरदानानां, सिंचनकार्याणां, तमिल-साहित्ये योगदानस्य च साक्ष्यं वहन्ति। सम्राट् मुथरैयारस्य शासनकालः दक्षिणभारतीयेतिहासे विशिष्टं स्थानं धारयति।
उपराष्ट्रपतिः प्रधानमन्त्रिणः सन् २०४७ पर्यन्तं विकसित-भारतस्य दृष्टिकोणं उल्लिख्य अवदत् यत् देशस्य सांस्कृतिक-वारसायाḥ तथा महानायकानां धरोहरायाḥ प्रलेखनं, सम्माननं, संरक्षणं च राष्ट्रिय-प्राथमिकता अस्ति। सन् २०१४ तः अद्यावधि प्रायः ६४२ चोरीकृताः मूर्तयः तथा प्राचीन-वस्तूनि पुनः प्राप्तानि सन्ति, येषु बहवः तमिलनाडु-सम्बद्धाः सन्ति। उल्लेखनीयं यत् सम्राट् पेरुम्बिदुगु मुथरैयार द्वितीयः (सुवर्ण मारन्) प्राचीन-तमिलनाडोः प्रसिद्धतमेषु शासकेषु एकः आसीत् तथा गौरवशालिनः मुथरैयार-वंशस्य सदस्यः आसीत्। सः ईस्वी-सप्तमशताब्दीतः नवमशताब्दीपर्यन्तं तमिलनाडोः मध्यप्रदेशेषु शासनं अकरोत्, यस्य केन्द्रं तिरुचिरापल्ली आसीत्।
---------------
हिन्दुस्थान समाचार / अंशु गुप्ता