मुंबईनगरम्, १४ दिसम्बरमासः (हि.स.)। महाराष्ट्रस्य मुख्यमन्त्री देवेंद्रफडणवीसः रविवासरे विधानसभायाम् अवदत् यत् राज्यसर्वकारः कृषकाणां हितेषु पूर्णतया कटिबद्धा अस्ति। मुख्यमन्त्रीणाऽपि उक्तं यत् सर्वकार कृषकाणां ऋणं अपि क्षमा करिष्यति, किन्तु तस्य कृते किञ्चित् कालः अपेक्षितः भविष्यति।

मुख्यमन्त्री फडणवीसः अद्य नागपुरे विधानमण्डलस्य शीतकालीनाधिवेशनस्य समये विधानसभायां अन्तिमसप्ताहप्रस्तावस्य उत्तरं ददौ। सः अवदत् यत् अधुना सर्वकारः किञ्चित् आर्थिकसंकटेन गच्छति, अतः कृषकऋणक्षमाविषये इदानीं घोषणा न क्रियते। तथापि राज्यसर्वकारस्य मंशा कृषकाणां ऋणक्षमा करणमेव अस्ति। सः स्पष्टं अवदत् यत् ऋण-क्षमायाः लाभः कृषकेभ्यः एव लभ्यताम्, न तु वित्तकोषेभ्यः। वयं २०१७ तमे वर्षे ऋणक्षमां कृतवन्तः, २०२० तमे वर्षे अपि कृतवन्तः। तथापि अद्यापि कृषकाः ऋणक्षमां याचन्ते। अस्य अर्थः अस्ति यत् अस्माकं योजनायां कुत्रचित् दोषः अस्ति। एषः दोषः अस्माकं ऋणक्षम-प्रणाल्यां तथा कृषकाणां स्थितौ अपि दृश्यते। अतः अस्य त्वरितं समाधानं न भविष्यति, किन्तु एतद्विषये एकः समिति कार्यं करोति।

मुख्यमन्त्रीणाऽपि उक्तं यत् अधुना सर्वकारः अतिवृष्ट्या प्रभावितानां कृषकाणां साहाय्यं करोति। अस्याः योजनायाः अन्तर्गतं कृषकाणां प्रत्यक्ष-खातेषु १५ सहस्र ७ कोटिरूप्यकाणां प्रत्यक्षा सहायता प्रदत्ता अस्ति। फसल-मूल्यस्य धनं ९२ लक्षकृषकाणां खातेषु प्रेषितम् अस्ति। तेन सह २७,००० कूपानां जीर्णोद्धाराय ८०० कोटिरूप्यकाणि उपलब्धानि कृतानि। सर्वकारेण कृषकाणां कृते ३२ सहस्र-कोटिरूप्यकाणां सहायतापुटस्य घोषणा कृता आसीत्। अस्मिन् ३२ सहस्र-कोटिरूप्यकसहायतापुटे १० सहस्रकोटिरूप्यकाणि आधारभूतसंरचनायै निर्धारितानि आसन्। नरेगायोजनायाः अन्तर्गतं २,००० कोटिरूप्यकाणि दातुं निश्चितम् आसीत्, अवशिष्टं प्रत्यक्षसहायतारूपेण आसीत्। अस्मिन् सहायतापुटे त्रिहेक्टेयरसीमा निर्धारिता आसीत्। रबीऋतवे प्रति हेक्टेयरं १०,००० रूप्यकाणि अतिरिक्तं दातुं निर्णयः कृतः। पशुपालकेभ्यः पशुहान्याः कृते सम्पूर्णं धनं प्रदत्तम् अस्ति। नरेगायोजनायाः अन्तर्गतं कार्याणि प्रवर्तन्ते। सार्वजनिकोपयोगसुविधानां, विद्युत्कार्याणां, मार्गाणां, भवनानां, लघुमध्यमसरोवरानां तथा जीर्णोद्धारसहितनिर्माणसम्बद्धेषु सर्वेषु कार्येषु अपि धनं प्रदत्तम् इति मुख्यमन्त्रीणाऽवदत्।

हिन्दुस्थान समाचार / Dheeraj Maithani