Enter your Email Address to subscribe to our newsletters
नवदिल्ली, 15 दिसंबरमासः (हि.स.)।
रामलीलाक्रीडांगणे आयोजितायां काँग्रेसदलस्य रैलीमध्ये कृतां घोषणां प्रति सोमवासरे संसदः उभयोः सदनयोः कार्यवाही आरम्भानन्तरं तीव्रः कोलाहलः अभवत्। कोलाहलस्य कारणेन उभयोः सदनयोः कार्यवाही द्वादशवादनपर्यन्तं स्थगिता अभवत्। राज्यसभायां केन्द्रीयमन्त्री जे पी नड्डा प्रधानमन्त्री नरेन्द्रमोदीस्य अपमानस्य विषयं उदतिष्ठत्। नड्डा सोनियागान्ध्याः क्षमायाचनामपि अयाचत्।
सदनस्य नेता जे पी नड्डा अवदत् यत् ह्यः काँग्रेसस्य रैलीमध्ये “मोदी तेरी कब्र खुदेगी आज नहि तो कल खुदेगी” इत्यादृशाः घोषणाः कृताः। सः अवदत् यत् एतेन काँग्रेसस्य चिन्तनं मानवतायाः स्तरश्च अवनमति। प्रधानमन्त्रीविरुद्धं एतादृशी वाणी तथा तस्य मृत्युम् अपेक्षमाणा घोषणा अत्यन्तं निन्दनीया अस्ति। सः अवदत् यत् काँग्रेसः तथा सोनियागान्धी देशस्य प्रति क्षमां याचेताम्। काँग्रेसः देशे राजनीतेः स्तरं अत्यन्तं अवनतं कृतवती इति सः उक्तवान्।
विपक्षीयसदस्यैः विरोधः प्रदर्शितः। एकः सदस्यः उच्चैः अवदत् यत् संसदः किमपि न अभवत्। तस्मिन्नेव काले लोकसभायां केन्द्रीयमन्त्री किरेनरिजिजू अवदत् यत् ह्यः रैलीमध्ये सम्पूर्णं दलनेतृत्वं उपस्थितम् आसीत्। तस्मिन्नेव समये प्रधानमन्त्री नरेन्द्रमोदीस्य कब्रं खननंकरिष्यते इत्यादृशाः घोषणाः कृताः। अस्मात् अधिका लज्जास्पदा दुर्भाग्यपूर्णा च घटना अस्य देशस्य कृते न भवितुं शक्नोति इति सः अवदत्।
यदा रिजिजू क्षमायाचनां कर्तुं अवदत् तदा सदने उपस्थिताः अन्ये अपि सांसदाः मन्त्रिणश्च तस्य समर्थनं कुर्वन्तः दृश्यन्ते स्म। अर्जुनराममेघवालः क्रीडामन्त्री मनसुखमाण्डवियः सहिताः बहवः भारतीयजनतापार्टीसांसदाः एकस्वरेण काँग्रेसतः क्षमायाचनां अकुर्वन्।
---------------
हिन्दुस्थान समाचार