- रीवायाम् आयोजितस्य त्रिदिवसीयस्य रेवा फ़िल्म-फेस्टो–२०२५स्य समापनं सम्पन्नम्

रीवा, 15 दिसंबरमासः (हि.स.)।मध्यप्रदेशस्य उपमुख्यमन्त्री राजेन्द्रः शुक्लः अवदत् यत् अभिनेता सोनू सूदेन मानवतायै कृतं कार्यं कदापि विस्मर्तुं न शक्यते। कोरोना-कालस्य विषमपरिस्थितौ सोनू सूदेन सहस्रशः जनानां साहाय्यं कृतम्। तेन रीवावासिनः स्वस्वगृहं प्रतिप्रापयितुं विशेषरूपेण साहाय्यं कृतम्। सोनू सूदेन कृतैः मानवीयकार्यैः वयं सर्वे गौरवम् अनुभवामः।

उपमुख्यमन्त्री शुक्लः रविवासरे रात्रौ रीवायां आयोजितस्य त्रिदिवसीयस्य रेवा फ़िल्म-फेस्टो–२०२५ इत्यस्य समापन-समारोहं सम्बोधितवान्। दिवङ्गतस्य दिग्गजस्य चलचित्र-अभिनेतुः राजकपूरस्य १०१तमी जयंती-अवसरे रीवायां स्थिते कृष्णाराजकपूर-सभागृहे आयोजितस्य त्रिदिवसीयस्य रेवा फ़िल्म-फेस्टो–२०२५ इत्यस्य समापनसमये उपमुख्यमन्त्री शुक्लेन अभिनेता सोनू सूदः ससम्मानं स्वागतः कृतः। तेन उक्तं यत् रीवावासिनः केवलं सम्बन्धान् निर्मातुं न जानन्ति, अपि तु सम्बन्धान् निर्वहणमपि सम्यक् जानन्ति।

शुक्लेन अवदत् यत् कोविड्-कालस्य समये यदा रीवा, सीधी, मऊगंज तथा हनुमना-क्षेत्रेषु निवसन्तः बहवः जफँसित्वा जीवन-मरणयोः संघर्षं कुर्वन्तः आसन्, तदा मया एकः ट्वीट् कृतः आसीत्, ततः सोनू सूदेन त्रीणि बसयानानि व्यवस्थाप्य तान् जनान् स्वगृहं प्रतिप्रापयितुं महत्त्वपूर्णं कार्यं कृतम्।

उपमुख्यमन्त्री शुक्लः उक्तवान् यत् सोनू सूदेन कृतानि कार्याणि प्रशंसनीयानि सन्ति। यः कोऽपि साहाय्यम् अपेक्षते, तस्य सः अग्रे सरित्वा साहाय्यं करोति—अस्यैव परिणामः अस्ति यत् अद्य सोनू सूदः सर्वेषां हृदयेषु वसति। सोनू सूदस्य लोकप्रियता इत्थं वर्धिता यत् सहस्रशः जनाः सभागृहस्य अन्तः बहिः च स्थिताः आसन्। उपमुख्यमन्त्री शुक्लः अपि उक्तवान् यत् डेज् सोसायटीद्वारा राजकपूरस्य जयंती-निमित्तं कृतम् आयोजनम् अविस्मरणीयं भविष्यति। राजकपूर-सभागृहं कलाकाराणां कृते एकं महत्त्वपूर्णं केन्द्रं जातम् अस्ति, यत्र कलाकाराः आत्म-सन्तोषं प्राप्नुवन्ति।

अस्मिन् अवसरे अभिनेता सोनू सूदः अवदत् यत् जनानां आशीर्वादैः एव जीवनं गतिं प्राप्नोति। कोरोना-कालस्य समये उपमुख्यमन्त्री शुक्लेन कृतः ट्वीट् एव मां रीवावासिनः स्वगृहं प्रतिप्रापयितुं प्रेरितवान्। रीवावासिनः सौभाग्यवन्तः सन्ति यत् तेषां समीपे उपमुख्यमन्त्री शुक्लवत् दूरदर्शी-चिन्तनयुक्तः नेता अस्ति। सोनू सूदेन उक्तं यत् रीवाया सह मम हृदयेन सम्बन्धः दृढः जातः, सः च सदा-सर्वदा स्थायी भविष्यति, अहं च सर्वदा उपलब्धः भविष्यामि।

अस्मिन् एव अवसरे हॉलीवुड-रूसीया-अभिनेत्री एलीना महोदया सोनू सूदस्य मानवतायाः प्रशंसां कृत्वा अवदत् यत् राजकपूरः रूसदेशे अत्यन्तं लोकप्रियः आसीत्। कार्यक्रमे रीवाया भूमेः सम्बद्धः अभिनेता अर्जुन द्विवेदी अवदत् यत् आयोजन-समितिः अभिनन्दनार्हा अस्ति, यया बहवः कलाकाराः एकस्मिन् मञ्चे एकत्रिताः।

कार्यक्रमात् पूर्वं कलाकाराणां तथा अतिथीनां औपचारिकं स्वागतं कृतम्। त्रिदिवसीयस्य अस्य आयोजनस्य अन्तर्गतं पूजा चोपड़ा, विन्ध्या तिवारी, पारूल भटनागर, स्नेहल आचार्य, मान्या सिंह, शान्तनु शुक्ला, अविनाश सिंह-परिवारः तथा हास्य-कलाकारः रोहित प्यारे इत्यादयः स्वस्वप्रतिभाया वर्णाः प्रसारितवन्तः। समापन-अवसरे विधायकः दिव्यराजः सिंहः, विधायकः नरेन्द्रः प्रजापतिः, नगर-निगम-अध्यक्षः व्यंकटेशः पाण्डेयः, जिला-भाजपा-अध्यक्षः वीरेन्द्रः गुप्तः, पूर्व-विधायकः के.पी. त्रिपाठीः इत्यादयः सहस्रशः स्थानीयाः जनाः युवाश्च उपस्थिताः आसन्।

हिन्दुस्थान समाचार / Dheeraj Maithani