हरिद्वारम्, 15 दिसंबरमासः (हि.स.)।उत्तराखण्डप्रदेशस्य मुख्यमन्त्री पुष्करसिंहधामी सोमवासरे राज्ञः दक्षस्य नगर्यां कनखले आगतः। तत्र सः कनखले स्थिते दक्षेश्वरमहादेवमन्दिरे रुद्राभिषेकं पूजाम् अर्चनां च अकरोत्। अस्मिन् अवसरें सः हरिद्वारस्य सन्तैः सह अपि साक्षात्कारं कृतवान्।

अत्र माध्यमैः सह वार्तालापे मुख्यमन्त्री पुष्करसिंहधामी अवदत् यत् यदा कदापि महादेवस्य नगर्यां आगमनं भवति तदा मनसि एषा एव श्रद्धा भवति यत् महादेवस्य आशीर्वादं ग्रहीतव्यम्। अत्र अहं महादेवात् आशीर्वादं प्राप्तवान् यत् राज्ये सर्वाणि कार्याणि विना कस्यचित् विघ्नस्य सम्पन्नानि भवेयुः। सः अवदत् यत् आगामिकाले कुम्भमेला आयोजितः भविष्यति, तस्य सर्वाः सिद्धयः विना अवरोधेन सम्पादिताः भवेयुः। अहं सर्वेषां सन्तानाम् अपि आशीर्वादं गृहीतवान्। सन् २०२७ तमे वर्षे सन्तानां आशीर्वादेन जनसमर्थनेन च अस्माकं सरकारः प्रशासनं च संयुक्तरूपेण कुम्भमेलस्य आयोजनं करिष्यतः। आगामिकुम्भः अस्माकं कृते महान् अवसरः अस्ति, इति अस्माकं प्रयासः।

भारतीयजनतापक्षस्य नूतनस्य राष्ट्रीयकार्यकारीअध्यक्षस्य विषये सः अवदत् यत् तस्य आगमनात् निश्चितं पक्षः अधिकं सुदृढः भविष्यति। युवानां मध्ये उत्साहः अस्ति। बाल्यकालादेव सः दीर्घकालं पक्षस्य युवमोर्चायां युवकेषु च व्यतीतवान्। प्रधानमन्त्रिणः नरेन्द्रमोदिना प्रदत्तेन मार्गदर्शनेन देशः तीव्रगत्या अग्रे गच्छति। भारतीयजनतापक्षः विश्वस्य महत्तमा पक्षः अस्ति। देशहिताय ये कार्याणि क्रियमाणानि सन्ति, तानि पक्षः भविष्येऽपि निरन्तरं करिष्यति।

अखाडापरिषदः अध्यक्षः महानिर्वाणीअखाडस्य सचिवः च महन्तः रविन्द्रपुरीमहाराजः अवदत् यत् धार्मिकविधिविधानेन सह मुख्यमन्त्री अत्र रुद्राभिषेकं कृतवान्। महाराजः कुम्भमेलविषये परम्पराणां पालनं कृत्वा सरकारेण सह स्थितुं अपि प्रतिज्ञां कृतवान्।

अस्मिन् अवसरे अखाडापरिषदः महामन्त्री महन्तः राजेन्द्रदासमहाराजः, कोठारी जसविन्दरसिंहः, करौलीशङ्करमहादेवः, सूर्यामोहन्गिरिः, गढवालमण्डलस्य आयुक्तः विनयशङ्करपाण्डेयः, जिलाधिकारी मयूरदीक्षितः, वरिष्ठपुलिसअधीक्षकः प्रमेन्द्रडोभालः, भाजपाजिलाध्यक्षः आशुतोषशर्मा, पूर्वविधायकः संजयगुप्तः, राज्यमन्त्री जयपालचौहानः, शोभारामप्रजापतिः, विधायकः आदेशचौहानः, प्रदीपबत्रा इत्यादयः सह बहवः भाजपापदाधिकारिणः कार्यकर्तारश्च उपस्थिताः आसन्।

---------------

हिन्दुस्थान समाचार