Enter your Email Address to subscribe to our newsletters
जोधपुरम्, 16 दिसंबरमासः (हि.स.)।भारतस्य विधिपेशे न्यायस्य अन्तिमसोपानं प्रति गमनं सुनिश्चितं कर्तुं संकल्पेन २६ तः २८ डिसम्बरपर्यन्तं बालोतरा नगरे अखिलभारतीय अधिवक्तापरिषदः राष्ट्रीयाधिवेशनं आयोजितं भविष्यति। अस्मिन् अधिवेशने देशस्य सर्वेभ्यः प्रदेशेभ्यः आगतैः चतुर्सहस्रैः अधिवक्तृभिः सहभागिता क्रियते।
अधिवेशनस्य पोस्टरविमोचनकाले संगठनस्य महामन्त्री उत्तरक्षेत्रस्य श्रीहरि बोरिकरः अवदत् यत् परिषदस्य मूललक्ष्यं समाजस्य अन्तिमव्यक्तिमपि समये सुलभं न्यायं प्रापयितुं अस्ति। श्री बोरिकरः अधिवक्तॄणाम् आह्वानं कृतवान् यत् ते केवलं वादविजयपर्यन्तं सीमिताः न भूत्वा न्यायप्रणाल्यां विश्वासवर्धनस्य दिशायां कार्यं कुर्वन्तु। सः अपि अवदत् यत् अधिवक्तॄणां परिषदस्य च एषा संयुक्ता जिम्मेदारी अस्ति यत् पीडितानां उपेक्षितानां दरिद्रवर्गस्य च न्यायप्राप्तौ सेतुरूपेण कार्यं कुर्वन्तु।
जयपुरप्रान्तस्य महामन्त्री अभिषेक सिंहः अवदत् यत् विभिन्नेषु सत्रेषु आयोजिते अस्मिन् राष्ट्रीयाधिवेशने न्यायिकसुधाराः लंबितमुकदमानां संख्यायाः न्यूनीकरणं तकनीकीसाधनानां उपयोगः युवा अधिवक्तॄणां प्रशिक्षणं च इत्यादिषु विषयेषु विचारविमर्शः भविष्यति। अधिवेशने पारितप्रस्तावानां माध्यमेन सरकारं प्रति न्यायालयेषु रिक्तपदानां शीघ्रपूर्तिः अधिवक्तृकल्याणार्थ योजनानां प्रभावीकरणं न्यायिकसंरचनायाः सुदृढीकरणं च इत्यादिषु विषयेषु आग्रहः क्रियते।
अस्मिन् अधिवेशने सर्वोच्चन्यायालयस्य विभिन्नानां उच्चन्यायालयानां न्यायाधीशाः पूर्वन्यायाधीशाः भारतसरकारस्य विधि एवं कानूनमन्त्री च विधिक्षेत्रे सम्बद्धाः अन्ये महत्त्वपूर्णाः व्यक्तयः उपस्थिताः भविष्यन्ति।
जोधपुरप्रान्तस्य महामन्त्री श्याम पालिवालः अवदत् यत् एतेषां राष्ट्रीयाधिवेशनानां माध्यमेन अधिवक्तॄणां कृते एकः साझा मञ्चः प्राप्यते येन न्यायव्यवस्थायाः चुनौतीषु चिन्तनं समाधानान्वेषणं च सम्भवति। यद्यपि राष्ट्रीयाधिवेशनस्य आयोजनं जोधपुरप्रान्ते क्रियते तथापि राजस्थानप्रान्तस्य कार्यक्रमत्वात् जयपुर जोधपुर चित्तौड़ एतेषां त्रयाणां प्रान्तानां कार्यकर्तारः राष्ट्रियस्तरीयकार्यक्रमे सहभागितां कर्तुं बालोतरा नगरे उपस्थिताः भविष्यन्ति।
पोस्टरविमोचनावसरे अतिरिक्तमहाधिवक्ता श्यामसुन्दर लदरेचा राजेश पंवार देवेंद्र खत्री जयपाल सलूजा देवकीनन्दन व्यास पी एस चुंडावत गिरीश जोशी कांतिलाल ठाकुर इत्यादयः अन्ये वरिष्ठकार्यकर्तारः अपि उपस्थिताः आसन्। अस्य कार्यक्रमस्य संचालनं सुधांशु टांकः कृतवान्।
---------------
हिन्दुस्थान समाचार