Enter your Email Address to subscribe to our newsletters
नव दिल्ली, 16 दिसम्बरमासः (हि.स.)।
मुख्यमन्त्री रेखा गुप्ता मङ्गलवासरे अवदत् यत् बालानां सुरक्षिते वातावरणे सम्मानपूर्वकं आत्मविश्वासेन च अग्रे गमनाय सहायता कर्तुं तस्याः निरन्तरः प्रयासः अस्ति। सा एतां बातां दिल्लीसचिवालये आयोजिते पीएम केयर्स फॉर चिल्ड्रन योजनान्तर्गत पञ्जीकृतैः बालकैः सह सम्पन्ने संवेदनशीलसंवादकार्यक्रमे उक्तवती।
अयं कार्यक्रमः तेषां बालानां सहयोगसंरक्षणपालनस्य सुनिश्चितीकरणाय आयोजितः आसीत् ये कोविड उन्नविंशतिमहामार्याः कारणेन स्वपितरौ अथवा वैधानिकसंरक्षकान् अपहायितवन्तः। संवादकाले मुख्यमन्त्रिणी बालानां शिक्षाविषये स्वास्थ्यविषये आवासविषये भावनात्मकआवश्यकताविषये च जानकारीं गृहीत्वा तान् सर्वसम्भवसहायतायाः आश्वासनं दत्तवती।
रेखा गुप्ता स्पष्टं कृतवती यत् शासनस्य उद्देश्यं केवलं तात्कालिकसहायताप्रदानं न भवति अपि तु एतान् बालान् सुरक्षितं सम्मानजनकं आत्मनिर्भरं च जीवनमार्गे अग्रे नेतुं भवति। सा अवदत् यत् दिल्लीप्रदेशे अस्याः योजनायाः क्रियान्वयनं प्रभावीरीत्या क्रियते।
योजनान्तर्गतं जिलामजिस्ट्रः नोडलधिकारीरूपेण नियुक्तः अस्ति यः एतेषां बालानां संरक्षकत्वेन निरन्तरं निरीक्षणं पालनं च सुनिश्चितं करोति। मुख्यमन्त्री अवदत् यत् दिल्लीशासनं एतान् बालान् केवलं योजनायाः लाभार्थिनः इति न पश्यति अपि तु स्वपरिवारस्य सदस्यरूपेण मन्यते।
अस्मिन् अवसरॆ सा बालकेषु स्नेहं प्रदर्शयित्वा चॉकलेट् दत्तवती तथा च तान् स्वस्वसम्बद्धैः जिलामजिस्ट्रैः सह परिचितान् अकरोत् येन बालानां मनसि एतत् विश्वासः दृढीभवेत् यत् प्रशासनं सर्वस्तरेषु तेषां सह स्थितम् अस्ति।
अस्मिन् कार्यक्रमे सम्बन्धिताः जिलान्यायाधीशः अन्ये वरिष्ठाधिकारिणः गणमान्यजनाः च उपस्थिताः आसन्। उल्लेखनीयं यत् योजनान्तर्गतं बालकेभ्यः वित्तीयसहायता स्वास्थ्यसुविधाः शिक्षा आवाससम्बद्धाः विविधलाभाः च प्रदीयन्ते येन तेषां दीर्घकालीनविकासस्य आत्मनिर्भरभविष्यस्य च दृढा आधारशिला स्थाप्यते।
---------------
हिन्दुस्थान समाचार