Enter your Email Address to subscribe to our newsletters
नोएडा, 16 दिसंबरमासः (हि.स.)। उत्तरप्रदेशे गङ्गा एक्सप्रेस वे यमुना एक्सप्रेस वेन सह संयोजयितुं ७४.३ किलोमीटरपरिमितः लिङ्क् एक्सप्रेस वे निर्मीयते। अस्य निर्माणप्रक्रिया तीव्रतां प्राप्तवती अस्ति। अयं लिङ्क् एक्सप्रेस वे ५६ ग्रामाणां भूमौ निर्मास्यते, येषु गौतमबुद्धनगरस्य ८ ग्रामाः बुलन्दशहरस्य ४८ ग्रामाः च सन्ति। अस्मिन् प्रकल्पे प्रायः ४००० कोटिरूप्यकाणां व्ययः भविष्यति।
गङ्गा एक्सप्रेस वे यमुना एक्सप्रेस वेन सह संयोजयितुं लिङ्क् एक्सप्रेस वे निर्माणस्य प्रक्रिया शीघ्रं प्रवर्तते। यमुना प्राधिकरणं अस्य निर्माणार्थं यीडा क्षेत्रे स्थितानां १६ ग्रामाणां प्रायः ७४० एकरपरिमितां भूमिं क्रेतुं निश्चितवान्। अस्य भूमेः सर्वेक्षणं सम्पन्नं जातम्। जनवरीमासात् भूमेः क्रयणं आरभ्यते। ७४.३ किलोमीटरदीर्घः अयं लिङ्क् एक्सप्रेस वे विमानपत्तनं अपि संयोजयिष्यति।
उत्तरप्रदेश एक्सप्रेस वे औद्योगिकविकासप्राधिकरणम् (यूपीडा) गङ्गा एक्सप्रेस वे यमुना एक्सप्रेस वेन सह संयोजयितुं लिङ्क् एक्सप्रेस वे निर्मास्यति। अयं लिङ्क् एक्सप्रेस वे गङ्गा एक्सप्रेस वेस्य ४४.३ किलोमीटरस्थाने, अर्थात् बुलन्दशहरजिलायाः सियाना क्षेत्रात् आरभ्य, यमुना एक्सप्रेस वेस्य २४.८ किलोमीटरस्थाने, सेक्टर २१ स्थितायाः फिल्मसिटीसमीपे, समाप्तिं गमिष्यति। अस्य लिङ्क् एक्सप्रेस वेस्य प्रायः २० किलोमीटरभागः यीडा क्षेत्रे स्थितः अस्ति, यस्मात् ९ किलोमीटरभागः एलिवेटेड् भविष्यति।
सर्विस रोड निर्माणेन स्थानीयग्रामीणानां समीपवर्तिक्षेत्रवासिनां च आवागमनाय उत्तमा सुविधा उपलब्धा भविष्यति। अस्य कृते १६ ग्रामाणां प्रायः ७४० एकरपरिमितां भूमिं क्रेतुं भविष्यति, यत्र १२०० कोटिरूप्यकाणां व्ययः अपेक्षितः अस्ति।
यमुना विकासप्राधिकरणेन सर्वेक्षणानन्तरं भूमेः क्रयणाय पूर्णतया सज्जता कृता अस्ति। प्राधिकरणं भूमिं क्रीत्वा यूपीडायै समर्पयिष्यति। एक्सप्रेस वेस्य निर्माणकार्यं यूपीडा एव करिष्यति। अयं लिङ्क् एक्सप्रेस वे कुलतया ५६ ग्रामाणां भूमौ निर्मीयते, येषु गौतमबुद्धनगरस्य ८ ग्रामाः बुलन्दशहरस्य ४८ ग्रामाः च सन्ति। एतेषु १४ ग्रामाः खुर्जा तहसीलस्य सन्ति, शेषाः बुलन्दशहर, सियाना, शिकारपुर तहसीलानां अन्तर्गताः सन्ति। अयं प्रकल्पः प्रायः ४००० कोटिरूप्यकव्ययेन सम्पन्नः भविष्यति।
मेरठनगरात् गङ्गा एक्सप्रेस वे यमुना एक्सप्रेस वेन सह संयोजिते सति, नोएडा अन्तरराष्ट्रीय विमानपत्तनं, दिल्ली मुम्बई एक्सप्रेस वे, यमुना एक्सप्रेस वे च मार्गेण आग्रात् ग्रेटर नोएडापर्यन्तं गमनमार्गः सुकरः भविष्यति। देशविदेशेभ्यः आगच्छतां यात्रिकाणां कृते अपि अस्य एक्सप्रेस वेस्य माध्यमेन मेरठनगरात् प्रयागराजपर्यन्तं सीधा सम्पर्कमार्गः उपलब्धः भविष्यति। नोएडा विमानपत्तनेन सह संयोजनेन गङ्गा एक्सप्रेस वेस्य उपयोगिता अधिका भविष्यति। अपि च लिङ्क् एक्सप्रेस वे यमुना सिटीस्थितैः औद्योगिकसेक्टरैः २८, २९, ३२, ३३ इत्येतैः सह अपि प्रत्यक्षरूपेण संयोज्यते।
गौतमबुद्धनगरजिलायां जेवर तहसीलस्य मेहंदीपुर बांगर, भाईपुर ब्राह्मणान, रबूपूरा, भुन्नातगा, म्याना, फाजिलपुर, कल्लूपुरा इत्यादीनां ग्रामाणां भूमिः अस्य प्रकल्पस्य अन्तर्गतं आगच्छति। खुर्जा तहसीलस्य अमानुल्लापुर उर्फ मारहरा, इनायतपुर उर्फ मधुपुरा, कपना, भगवानपुर, हसनपुर लडूकी, बीघेपुर, सनैता शफीपुर, भदौरा, वरतौली, खवरा, धरारी, दीनौल, खलसिया चूहरपुर, विचौला, धरांऊ इत्यादीनां ग्रामाणां भूमिः अपि समाविष्टा अस्ति। बुलन्दशहर तहसीलस्य औरंगाबाद, हिंगथला उर्फ भावसी, चरौरा मुस्तफाबाद, सैदपुरा, इस्माइला, सराय छबीला, अडौली, दोहली, चिरचिटा, मामन खुर्द, मामनकुलां, भाईपुर, ऐमनपुर, कलौली, बंगला पूठरी, पिपाला इखलासपुर, मूडीवकापुर, चिरचिटा इत्यादीनां ग्रामाणां भूमिः अपि आगच्छति।
यमुना एक्सप्रेस वे औद्योगिकविकासप्राधिकरणस्य मुख्यकार्यपालकाधिकारी आर्. के. सिंहः अवदत् यत् गङ्गा एक्सप्रेस वे यमुना एक्सप्रेस वेन सह संयोजयितुं ७४ किलोमीटरपरिमितः लिङ्क् एक्सप्रेस वे निर्मीयते। अस्य कृते यीडा क्षेत्रे स्थितानां १६ ग्रामाणां ७४० एकरपरिमितां भूमिं क्रेतुं भविष्यति, यस्य सर्वेक्षणं सम्पन्नं जातम्। जनवरीमासात् भूमेः क्रयणं आरभ्यते। सः अपि अवदत् यत् लिङ्क् एक्सप्रेस वे निर्माणेन पश्चिमोत्तरप्रदेशवासिनां जनानां कृते नोएडा अन्ताराष्ट्रिय विमानपत्तनं प्राप्तुं महती सुविधा भविष्यति।
---------------
हिन्दुस्थान समाचार