Enter your Email Address to subscribe to our newsletters
चण्डीगढ़म्, १६ दिसम्बरमासः (हि.स.)। हरियाणायाः मुख्यमन्त्री नायबसिंहः सैनी हांसीनगरं नवीनं जनपदं कर्तुं घोषणां कृतवान्। मङ्गलवासरे हांस्यां आयोजितायां यात्रां अवसरे मुख्यमन्त्रिणा एषा घोषणा कृता। हांसी हरियाणायाः त्रयोविंशतितमः जनपदः भविष्यति।
मुख्यमन्त्री नायबसिंहः सैनी अवदत् यत् वर्षे २०१७ तमे पूर्वमुख्यमन्त्री मनोहरलालः खट्टरः हांसीं आरक्षकजनपदं कृतवान् आसीत्। निर्वाचनात् पूर्वं यदा सः हांसीं आगतवान्, तदा आचारसंहिता प्रवृत्ता आसीत्; तस्मात् जनानां एषा अपेक्षा अपूर्णा अवशिष्टा।
मुख्यमन्त्रिणा हांस्यां यदा एषा घोषणा कृता, तदैव जनाः उत्थाय करतलनादैः अभिनन्दनं कृतवन्तः। मुख्यमन्त्रिणा मञ्चात् एव एतदपि प्रतिपादितं यत् हांसीं जनपदं कर्तुं सम्बन्धिनी अधिसूचना एका सप्ताहस्य अन्तर्गतं निर्गमिता भविष्यति।
हरियाणा-सर्वकारया नवानां जनपदानां तथा तहसीलानां निर्माणार्थं या समिति गठिता, सा गतसप्ताहे एव मुख्यमन्त्रिणे स्वीयां प्रतिवेदनं प्रेषितवती। प्रारूपयोजनायाः अन्तर्गतं हांस्यां द्वे उपमण्डले, तिस्रः तहसीलाः तथा एका उपतहसील् समावेशिता भविष्यन्ति। अस्मिन् ९७ राजस्वग्रामाः तथा ११० ग्रामपञ्चायताः अन्तर्भविष्यन्ति। नवीनजनपदस्य प्रारूपे हांसी-नारनौद-उपमण्डलस्य अतिरिक्तं हांसी, नारनौंद, बास-तहसीलाः तथा खेड़ीचौपटा-उपतहसीलप्रदेशः समाविष्टः भविष्यति। अधुना यत् आरक्षकजनपदस्य सीमाङ्कनं वर्तते, तत् एव राजस्वजनपदस्य सीमाङ्कनं मन्यते भविष्यति। एतस्मिन् विषये सर्वकारया विस्तृता प्रतिवेदनम् अनन्तरं प्रकाशयिष्यते।
हिन्दुस्थान समाचार / अंशु गुप्ता