नवदेहली, १६ दिसम्बरमासः (हि.स.)। कर्नाटकस्य पूर्वमुख्यमन्त्री तथा केन्द्रीय-इस्पात एवं भारी-उद्योगमन्त्री हरदनहल्ली देवेगौड़ा कुमारस्वामीमहोदयस्य जन्मदिनावसरे देशस्य शीर्षनेतृभिः तस्मै हार्दिकाः शुभाशयाः प्रदत्ताः। प्रधानमन्त्री नरेन्द्रमोदी, केन्द्रीयगृहमन्त्री अमितशाह, रक्षामन्त्री राजनाथसिंह, केन्द्रीयमन्त्री नितिनगडकरी, पीयूषगोयल इत्यादिभिः बहुभिः मुख्यमन्त्रिभिश्च सामाजिकमाध्यममञ्चे ‘एक्स्’ इत्यत्र तस्मै अभिनन्दनशुभेच्छाः प्रेषिताः।

प्रधानमन्त्री नरेन्द्रमोदी ‘एक्स्’ इत्यत्र प्रकाशिते सन्देशे अवदत् केन्द्रीयमन्त्री एच्.डी. कुमारस्वामी इस्पातभारी-उद्योगक्षेत्रयोः स्वकार्यैः आत्मनिर्भरभारत दिशि प्रयत्नान् सुदृढान् कुर्वन्ति। तेन तस्य दीर्घं स्वस्थं च जीवनं कामितम्।

उल्लेखनीयं यत् हरदनहल्ली देवेगौड़ा कुमारस्वामी (जन्म—१६ दिसम्बर १९५९) भारतीयः राजनीतिज्ञः चलचित्रनिर्मातृश्च अस्ति। सः २०२४ तमे वर्षे आरभ्य भारतस्य पञ्चमः भारी-उद्योगमन्त्रीः तथा चतुर्दशः इस्पातमन्त्रीः इति पदयोः सेवां करोति। सः २०१८–२०१९ काले तथा तस्मात् पूर्वं २००६–२००७ काले कर्नाटकस्य अष्टादशतमः मुख्यमन्त्रीः अपि अभवत्। २०१३–२०१४ काले सः कर्नाटकविधानसभायां विपक्षनेता आसीत्। अधुना सः कर्नाटकराज्यजनतादल(धर्मनिरपेक्ष)-दलस्य अध्यक्षः वर्तते। सः माण्ड्यानिर्वाचनक्षेत्रात् लोकसभासदस्यः अस्ति। २०१८–२०२४ काले चन्नपट्टणात्, २००४–२००९ काले रामनगरात् तथा २०१३–२०१८ काले पुनः रामनगरात् कर्नाटकविधानसभायाः सदस्यः अभवत्। सः भारतस्य पूर्वप्रधानमन्त्री तथा कर्नाटकस्य पूर्वमुख्यमन्त्री एच्.डी. देवेगौड़ायाः पुत्रः अस्ति।

केन्द्रीयगृहमन्त्री अमितशाह अपि मन्त्रिणं जन्मदिनाभिनन्दनं दत्त्वा अवदत्—विकासाय तथा देशस्य विनिर्माणपारिस्थितिकीतन्त्रस्य सुदृढीकरणाय तस्य समर्पणं प्रशंसनीयम्। तेन तस्य उत्तमस्वास्थ्यं दीर्घायुष्यं च प्रार्थितम्।

केन्द्रीयमार्गपरिवहनराजमार्गमन्त्री नितिनगडकरी कुमारस्वामिने शुभेच्छाः दत्त्वा अवदत् एषः अवसरः हर्षं वहतु, आगामि वर्षं च स्वास्थ्यसमृद्धिभ्यां परिपूर्णं भवतु।

रक्षामन्त्री राजनाथसिंह अपि एच्.डी. कुमारस्वामिना जन्मदिनाभिनन्दनं कृत्वा अवदत्—इस्पातभारी-उद्योगक्षेत्रयोः तस्य केन्द्रितं नेतृत्वं भारतस्य औद्योगिकविकासे आर्थिकसुदृढतायां च महत्त्वपूर्णं योगदानं ददाति।

केन्द्रीयमन्त्री पीयूषगोयल लिखितवान्—भारी-उद्योग-इस्पातक्षेत्रयोः सुदृढीकरणाय कुमारस्वामिनः समर्पिताः प्रयत्नाः आत्मनिर्भरभारत इति दृष्टिं अग्रे नयन्ति।

राजस्थानस्य मुख्यमन्त्री भजनलालशर्मा अपि एच्.डी. कुमारस्वामिनः कृते प्रभु-श्रीरामात् उत्तमस्वास्थ्यं दीर्घायुष्यं च कामितवान्।

देहलीप्रदेशस्य मुख्यमन्त्री रेखागुप्ता अभिनन्दनं दत्त्वा अवदत्—कुमारस्वामिनः कार्यं भारतस्य औद्योगिकविकासं सशक्तं करोति। उत्तराखण्डस्य मुख्यमन्त्री पुष्करसिंहधामी प्रभु-श्रीबदरीविशालात् तस्य स्वस्थं यशस्विनं च जीवनं कामितवान्। महाराष्ट्रस्य मुख्यमन्त्री देवेन्द्रफणनवीस अपि तस्मै जन्मदिनस्य हार्दिकाः शुभाशयाः प्रेषितवान्।

हिन्दुस्थान समाचार / अंशु गुप्ता