Enter your Email Address to subscribe to our newsletters
खड्गपुरम्, 16 दिसम्बरमासः (हि.स.)। भारतीय-प्रौद्योगिकी-संस्थानस्य (आईआईटी) खड्गपुरस्य प्राध्यापकाः ऑस्ट्रेलियादेशीय-विश्वविद्यालयैः सह स्वीकृतायाः शैक्षणिक-अनुसन्धान-सहयोग-संवर्धन-योजनायाः (स्पार्क) चरण–4ए परियोजनानाम् अन्तर्गतं अन्तरराष्ट्रिय-स्तरे सम्मानिताः अभवन्।
नवदेहल्याम् आयोजितायां तृतीयायां भारत–ऑस्ट्रेलिया शिक्षा–कौशल-परिषदस्य गोष्ठ्यां सोमवासरे आईआईटी-खड्गपुरस्य प्राध्यापकः किंशुक् नस्करः (प्रधान-अन्वेषकः), डॉ. पार्थसारथी चक्रवर्ती (सह-प्रधान-अन्वेषकः) तथा प्राध्यापकः नारायणचन्द्र-दासः (प्रधान-अन्वेषकः) इत्येतेभ्यः औपचारिक-स्वीकृति-आदेशाः स्मृतिचिह्नानि च प्रदत्तानि। एतत् सम्मानं भारत-सर्वकारस्य शिक्षा-मन्त्री धर्मेन्द्र-प्रधानः तथा ऑस्ट्रेलियादेशस्य शिक्षा-मन्त्री जेसन् क्लेयरः संयुक्तरूपेण अददाताम्।
स्पार्क-योजनायाः उद्देश्यं भारतीय-उच्च-शिक्षण-संस्थानानां विश्वस्य प्रमुख-विश्वविद्यालयानां च मध्ये अनुसन्धान-शैक्षणिक-सहयोगं सुदृढीकर्तुं वर्तते। अनेन उपलब्ध्या अन्तरराष्ट्रिय-अनुसन्धान-सहयोगेषु आईआईटी-खड्गपुरस्य अग्रणी भूमिका तथा तस्य वैश्विक-शैक्षणिक-प्रतिष्ठा अधिकं सुदृढा अभवत्।
अस्मिन् अवसरे संस्थानस्य निर्देशकः प्राध्यापकः सुमन् चक्रवर्ती अवदत् यत् स्पार्क-चरण–4ए कार्यक्रमान्तर्गतं प्राप्तं एतत् सम्मानं उच्च-प्रभाव-युक्तेषु अन्तरराष्ट्रिय-अनुसन्धान-सहयोगेषु आईआईटी-खड्गपुरस्य दृढ-संकल्पं दर्शयति। सः सम्मानितान् प्राध्यापकान् अभिनन्द्य अवदत् यत् ऑस्ट्रेलियादेशस्य प्रमुख-विश्वविद्यालयैः सह एतादृशाः परामर्शाः न केवलं शैक्षणिक-उत्कृष्टतां प्रोत्साहयन्ति, अपि तु वैश्विक-चुनौतिनां समाधानाय सहयोगात्मक-नवाचारमपि सशक्तयन्ति।
आईआईटी-खड्गपुरम् अनुसन्धान-नवाचार-अन्तरराष्ट्रिय-शैक्षणिक-सहभागितासु नेतृत्वकारीं भूमिकां निर्वह्य निरन्तरं प्रतिबद्धं वर्तते।
हिन्दुस्थान समाचार / अंशु गुप्ता