जयपुरम्, 16 दिसंबरमासः (हि.स.)। नगर-निगमेन नगरस्य स्वच्छताव्यवस्थां सुदृढीकर्तुं कार्ययोजना प्रवर्तिता अस्ति। अधुना प्रत्येकस्मिन् वॉर्डे सप्ताहे एकदिनं नगर-निगमस्य कश्चन वरिष्ठाधिकारी ओआईसी (कार्यभारप्रभारी) रूपेण नियुक्तो भविष्यति, यः सम्पूर्णवॉर्डस्य स्वच्छताव्यवस्थायाः निरीक्षणं तथा पर्यवेक्षणं करिष्यति। प्रतिमङ्गलवासरे सः स्वच्छताव्यवस्थायाः निरीक्षणं कृत्वा यत्र-यत्र मलिनता, कचिराशयः, मुक्तकचिरोपणस्थलानि (ओपन कचरा डिपो) दृश्यन्ते, तेषां निरसनार्थं समुचितव्यवस्था तथा आवश्यककार्यं करिष्यति।

एतत्सम्बन्धे मङ्गलवासरे नगर-निगम-जयपुरस्य प्रशासिका पूनमया अधिकारिणां समीक्षासभायां निर्देशाः दत्ताः यत् येषु क्षेत्रेषु कचिराशयाः, मुक्तडम्पिङ्गः तथा मलिनतासम्बन्धिनः परिवादाः अधिकाः प्राप्यन्ते, तेषु क्षेत्रेषु तात्कालिकप्रभावेन स्वच्छता कार्यं कारयितव्यम्। अस्य कृते स्वच्छताकर्मचारिणां बीट्-प्लान निर्माणीयाः, येन केनापि क्षेत्रे प्रमादः न भवेत्। तेन प्रत्येककर्मचारिणः बीटनुसारं उत्तरदायित्वं निश्चितं भविष्यति, तथा स्वच्छतायां प्रमादे सति उत्तरदायित्वनिर्धारणं अपि क्रियते। सा अपि अवदत् यत् नगर-निगमस्य वरिष्ठाधिकारी स्वच्छताव्यवस्थायाः निरीक्षणस्य सुधारस्य च उत्तरदायित्वं वहिष्यति। सः प्रतिमङ्गलवासरे वॉर्डस्य निरीक्षणं करिष्यति तथा स्वच्छताव्यवस्थायाः पूर्णपर्यवेक्षणस्य दायित्वं अपि तस्य एव भविष्यति।

प्रशासिकया एतदपि निर्देशितं यत् प्रत्येकस्मिन् जोने तादृशानां दशस्थानानां—गल्यानां, मार्गाणां च—चिन्हीकरणं क्रियताम्, येषु अत्यधिकमलिनता दृश्यते। तेषु चिन्हितस्थानेषु पञ्चदशदिनपर्यन्तं वृहदस्तरे विशेषस्वच्छताअभियानं सञ्चाल्य व्यापकतया गहनतया च स्वच्छता क्रियताम्, तथा पुनः मलिनतां प्रसारयतां जनां प्रति कठोरकार्यवाही अपि विधीयताम्।

---------------

हिन्दुस्थान समाचार / Dheeraj Maithani